Napatingin si Vita sa isang eskinita na kanilang pinapasukan. Napatingin siya sa paligid, sa mga bahay na dikit-dikit na. Maraming tao, mga bata na naglalaro sa daan. May mga ilang tao din siyang nakikitang nagsusugal, at nag-iinoman.
Mas humigpit ang hawak niya sa kamay ni Jeremy ng may napapatingin sa kanyang mga lalaki na nag-iinoman. Napatingin din siya sa binata ng humigpit din ang hawak nito sa kamay niya.
Ngumiti ito sa kanya saka hinila siya papalapit dito. "Huwag kang mag-alala. Walang mangyayaring masama sa 'yo dito."
Parang isang magic word ang sinabi ng binata sa kanya at nawala bigla ang kaba niya. Magkahawak kamay pa rin silang naglalakad kaya naman hindi maiwasan ng mga tao na mas mapatingin sa kanila.
"Dante!" Napatingin siya sa lalaking tinawag ni Jeremy at napangiti n
