“BESS baka naman mali lang ’yong nakita mo. ’Yong iniisip mo tungkol kay Sir Cross. Alam ko na hindi niya magagawa ang mambabae. Mahal na mahal ka n’on eh.”
Saad sa ’kin ni Yumie habang inaalo ako nito sa pag-iyak ko. Matapos kasi ang mga pangyayari kanina sa bahay ni Cross ay umalis ako. Wala naman akong puwedeng mapuntahan kun’di rito lang kay Yumie.
“Yumei, kitang-kita ng dalawa kong mata. Masaya siya na kasama ang babae niya. Tapos lagi pa siyang nagsisinungaling sa ’kin. Hindi naman puwede na wala lang sa ’kin ang lahat ng pakiramdam at kutob ko. Kitang-kita ko kung paano niyang alalayan ang babae niya. Kung paano siyang ngumiti habang kausap niya ang babaeng iyon. Yumie masakit! Ang akala ko kasi magiging okay na ang lahat pagkatapos ng tanan na sinasabi niya, pero hindi pala.” Pun
