الحلقة ال 33

2418 Words

#الفتي_الشرير #الحلقة_ال33 ____________ وقفنا الحلقة اللى فاتت لما كنت راجع انا ومحمد وهدير وفاتن وطلعوا علينا رجالة مازن ابو اليزيد علشان يقتلونى لكن ظهر رجاله تانيه انقذونى بس ماقالوش هما تبع مين ولا بيعملوا كده ليه ... بعد كده رجعنا البيت وبعد ما وصلت البيت جمعت كل الحراسه الموجوده واخدت 20 واحد منهم محمد : انت هتعمل ايه انا : حقنا مش لازم يبات ليله واحده بره محمد : يعنى ايه انا : يعنى لازم مازن يتقرص ودنه محمد : وهتعمل ده ازاى انا : انت مالكش دعوه بالموضوع ده .... خليك انت هنا مع الرجاله واحرس البيت وانا هتصرف محمد : فهمنى بس هتعمل ايه انا : احنا لو سكتنا على اللى حصل ده يبقى هنتركب فى البلد ومش هنعرف نرفع راسنا ابدا محمد : طب فهمنى هتعمل ايه انا : بعد ما ارجع هفهمك واخدت الرجاله وطلعت على فيلا جلال ابواليزيد واقتحمناها ومسكنا الحراسه اللى فيها وربطناهم وخرجلنا جلال جلال : عاوز ايه يا مهيب انا : جاى اربى ابنك اللى انت ماعرفتش تربيه ... ابنك بعتلى رجاله علشان يقتلونى ويخ*فوا مراتى وانت عارف كويس اللى بيتعرض عندنا للحريم بيحصل فيه ايه جلال : طب استنى وانا هجبلك حقك انا : انا مش محتاج حد يجيبلى حقى ... انا بعرف اخد حقى بنفسى جلال : ودى ما اسمهاش اصول ... انت جيتلى وانا هرجعلك حقك .... ودخل جاب ابنه مازن من جوه البيت ووقف قصادى انا : انت اتعرضت لمراتى وعلمت عليك وكان ممكن وقتها اقتلك ... لكن انك تبعت شويه عيال علشان يقتلونى دى انا مش ممكن اعديها ولولا ان ابوك راجل محترم وبينا عيش وملح كان زمان ليك عندى تصرف تانى وابوك عارف ايه هو التصرف ده جلال : حقك عليا يا مهيب وليك عندى انا هتصرف مع مازن انا : خلاص ياجلال باشا انا هسيبك تربيه بمعرفتك وتفهمه ان لو فكر يتعرضلى تانى انا وقتها مش هرجعلك زى دلوقتى وهتصرف بنفسى جلال : خلاص يا مهيب ... تعالى اتفضل اشرب حاجه وخد واجبك انا : لا شكرا ياجلال باشا انا لازم امشى جلال : ماينفعش اللى بتقوله ده ... تعالى معايا بعد كده دخلت انا وجلال مكتبه وقعدنا جلال : اللى انت عملته ده غلط يا مهيب بس اللى مانعنى من انى ارد عليك حاجتين اولهم ان ابنى هو اللى بدأ بالغلط انا : وايه الحاجه التانيه جلال : الحاجه التانيه دى ماقدرش اقولك عليها دلوقتى بس اكيد هتعرفها فى الوقت المناسب انا : ده لغز ولا ايه جلال : ولا لغز ولا اى حاجه ... كل اللى اقدر اقولهولك ان انت محمى من ناس جامده جدا ... واظن انت شوفت ازاى قدروا ينقذوك من شوية العيال اللى بعتهوملك مازن انا : بعيدا عن الناس اللى انت بتتكلم عليهم دول ... انت عارف كويس ان مهيب صقر مش حاجه ساهله علشان حد يحمينى ... انا بعرف احمى نفسى كويس اووووى وشوية العيال اللى بعتهم ابنك دول مالهمش لازمه اقدر اخلص عليهم فى دقايق ولو كان حصلى اى حاجه كنت هتدفع التمن غالى مش انت بس لا ... ده انت وابنك وعيلتك كلها وانت شوفت بنفسك انى ماهمنيش انت مين ودخلت بيتك من غير ما اعرف مين بيحمينى ... اظن الرساله وصلت جلال : ماتبقاش عصبى كده زى جدك ... خليك زى ابوك وعمك ناس هاديه وبتتصرف بعقل وحكمه ... لكن انت طالع لجدك صعب ومش بتتفاهم انا : انا صعب ومش بتفاهم فى الحاجه الواضحه اللى مابتحتملش ملاوعه جلال : انت برضه لسه صغير والصوره مش واضحه قدامك انا : طب تعلالى فى الدغرى وقولى الموضوع من الاخر جلال : صدقنى انا معرفش حاجه ... كل اللى انا بعمله انى بنفذ اوامر ... والاوامر اللى عندى انى احميك من اى خطر لكن ليه معرفش انا : ومين اللى أمرك بكده جلال : اعذرنى مش هقدر اقولك اكتر من كده ... بس انت قريب جدا هتعرف كل حاجه انا : على العموم مسيرى هعرف ... بس عاوزك تبلغهم ان مهيب صقر مش محتاج حماية اى حد ومش بيخاف من حد وهما لو عاوزين منى حاجه انا مكانى معروف ... عن اذنك وسبت جلال ورجعت البيت لقيت العيله كلها متجمعه حتى مريم وبناتها موجودين وكلهم قلقانين عليا .. واول ماوصلت ابويا : انت عملت ايه مع جلال انا : ولا حاجه روحت عرفته غلط ابنه ابويا : انت مش هتبطل اندفاعك وتهورك ده انا : بص ياحج انا ممكن اعدى اى حاجه لو عليا انا ... لكن حد يفكر يتعرض لفاتن انا مش بس اتهور .. لا ده انا اهد الدنيا على اللى فيها انشالله اقلبها حرب ... وانت شوفت بنفسك ان انا سامحت عمران وحسنيه على اللى عملوه فيا لكن فاتن مش هسمح لمخلوق فى الدنيا انه يمسها ولو بكلمه قامت فاتن من مكانها وجت فى حضنى : ربنا يخليك ليا ياحبيبى وتفضل دايما فى ضهرى وتحمينى هدير : السهوكه اشتغلت امى : لمى نفسك ياجزمه ابويا : طب خلينا فى المهم ... مين الناس اللى طلعوا عليكم وانقذوكم دول انا : دول اكتر حاجه محيرانى فى الموضوع ولازم اعرف باى تمن مين الناس دى ابويا : وهتعرف ازاى انا : محتاج اقعد مع نفسى وافكر محمد : خلاص ياجماعه اقفلوا على الموضوع ده ويلا بينا نمشى احنا خلاص كلها ساعه والصبح يطلع وقام الكل مشى وانا طلعت اوضتى علشان انام بس معرفتش انام من كتر التفكير غير على الساعه 8 وكل اللى عرفت انامهم ساعتين وصحيت على الساعه 10 بعد ماصحيت اخدت شاور وخرجت اتمشى فى الهواء بره وافكر مع نفسى فى كل حاجه من اول علاقة جوز خالتى بمريم لحد اللى حصل امبارح بالليل وانا بتمشى تليفونى رن وكان اسامه انا : ازيك يا اوسس اسامه : واحشنى يا مهيب انا : وانت اكتر ... ايه اخبارك واخبار القاهره عندك اسامه : كله تمام انا : ايه سافرت شرم ولا لسه اسامه : لا غيرنا رائينا فى موضوع شرم وقررنا ناجل المصيف لبعد العيد وقولنا نيجى نقعدلنا اسبوع عندك انا : ياسيدى اهلا وسهلا بيكم فى اى وقت ... بس انت ومين اللى هتيجوا اسامه : انا وعمر ومصطفى وبسنت ووسام انا : طب تمام ... حددوا معاد السفر بالظبط وبلغنى قبلها علشان اعمل حسابى اسامه : خلاص تمام .... يلا سلام وبعد ماقفلت مع اسامه رجعت القصر وقعدت اقلب فى شوية ورق وراجعت على الشغل وبعد شويه محمد جيه وقعدنا مع بعض محمد : ايه اللى صحاك بدرى كده انا : انا ماعرفتش انام اصلا محمد : ولا انا عرفت انام برضه بسبب اللى حصل امبارح انا : اللى حصل ده ماينفعش يعدى بالساهل كده محمد : تحب نعمل ايه انا : عاوز سجل حياة كل بنى ادم بيشتغل معانا لازم نفهم فى ايه بالظبط محمد : تحب اتصل بخيرى النجار واخليه يجمعلنا كل اللى احنا محتاجينه انا : لا سيبك من خيرى النجار ... انا عاوز المعلومات دى من حد ثقه وخيرى ده انا ما اضمنهوش فى حاجه زى دى وعاوزك تختارلى من كل مجموعة حرس واحد تكون انت ضامنه وعامل عليه تحرياتك علشان يتجسس على زمايله وبعد كده تجند الباقيين على بعض بس من غير مايعرفوا وتنفذ الخطه الى متفقين عليها بتاعة تغيير اماكن الحراسه محمد : خلاص تمام انا : عاوزك كمان تجهز المبانى اللى خلص تشطيبها وتفرشها كلها علشان من بعد العيد هنسكن اولاد العيله فيها محمد : انا اتفقت على الفرش وفى خلال شهر هيكون كل حاجه جاهزه .... بس اهم حاجه احنا فرحنا اللى بعد العيد ده وماعملناش فيه اى حاجه انا : ماتقلقش بالنسبه للفرح انا اتفقت مع wedding planer هيجى ويظبط كل حاجه وهيتفق مع المطربين اللى هتختاروهم وكل شئ متظبط حتى شهر العسل خلصت كل حاجه وحجزت الفندق محمد : طب كويس انك خلصت كل حاجه احسن كنت شايل هم الموضوع ده انا : ماتقلقش انا مظبط كل حاجه ... اه صحيح قبل ما انسى فى خلال كام يوم الشله بتاعتى فى الجامعه هيوصلوا عاوزك تجهزلهم الدنيا محمد : ماتقلقش هظبطلك الدنيا * من ناحيه تانيه اسامه بيتكلم فى التليفون اسامه : ماتقلقش ياباشا انا عرفت العب فى دماغ العيال اللى معايا واقنعتهم ان احنا نسافر الاقصر علشان مهيب مايشكش فيها لو لقينى رايح وحدى ... لا ماتخافش انا هلازمه زى ضله واشوف اذا كان يعرف حاجه عنكم ولا لا ... لا من الناحيه دى ماتقلقش محدش فى ا****عه شك فى حاجه ... انا قولتلهم الاقصر واحشانى ومهيب واحشنى وهما صدقوا ... خلاص ياباشا سلام ولو فى جديد هكلمك * ومشيت الايام بعد كده عادى مفيش جديد غير ان الدنيا مقلوبه على خيرى النجار ومحدش عارف يوصله ... واسامه بيراقب امه ومش عارف يواجهها ازاى ولا يعمل ايه معاها لانه مشغول بحاجه تانيه اهم وهى انه يراقبنى ويبلغ كل تفاصيل حياتى ومن ناحيه تانيه امانى كل شويه تخلق مشكله مع خطيبها بس هو شخصيته ضعيفه قصادها ومش عارف يعمل حاجه غير انه يسمع كلامها ودى اكتر حاجه مدايقه امانى لانها كانت عاوزه تتجوز واحد تكون شخصيته قويه لكن اكتشفت ان خطيبها ده يبقى وحيد ابوه ودلوع امه وكانوا مدلعينه بطريقه غ*يه وفى النفس الوقت بياخدوله قراراته يعنى خلاص اتعود يبقى تابع ... وعمر قدر يقنع والده انه يكمل فى هندسه وبعد مايخلص هندسه يقدم فى كلية الظباط المتخصصين علشان يبقى حقق حلمه وحلم ابوه وهو اقتنع بكلام ابنه ... ومن ناحيه تانيه وسام مش عارفه تعمل حاجه مع اسامه غير انها بتسمع كلامه لحد مايخطبها ... ومن ناحيه تانيه مريم وجوز خالتى اتفقوا على الجواز بس بعد ماترجع هى القاهره ... ومن ناحيه تانيه ابراهيم شغال فى الدبلومه بتاعته ... ومن ناحيه تانيه خالى غرقان مع الستات اللى بيعرفها ومش عارف اعمل معاه ايه لانى خايف من النهايه ومش عايز خالى يبقى نقطة ضعف ليا ... ومن ناحيه تانيه ابويا مش عارف يعمل ايه فى موضوع ابتسام وحملها اللى مش عامل حسابه .... ومن ناحية باقى العيله الدنيا ماشيه تمام والشغل كويس وعملنا الاجتماع اللى كنا متفقين عليه ويمنى بصراحه ابهرتنى بالشغل اللى عاملاه مع بنات العيله وعرفت تلمهم كلهم حواليها ... اما بقى الحراسه نفذت عليهم الخطه لدرجه ان مفيش فيهم واحد بيكمل اسبوع فى المكان بتاعه ولا مع نفس الطقم بتاعه والدنيا ماشيه زى الفل ... ومن ناحيتى انا مفيش اى جديد غير انى بحاول اعرف مين اللى بيدور ورايا ويحمينى لانى برضه مش مطمن ... وبالنسبه لعلاقتى بفاتن ماشيه زى الفل وكنت اخدت قرار انها مش هتعيش معايا فى القاهره لانى قلقان من الموضوع ده طبعا فى الاول هى زعلت بس انا اقنعتها انى هجيلها كل اسبوع بس لحد ما اظبط الدنيا واخدها تعيش معايا ... وعدى الشهرين اللى قبل الفرح وكله تمام * قبل الفرح باسبوع قاعد انا وفاتن مع بعض لوحدنا فاتن : يا مهيب انا مش مصدقه ان احنا خلاص بعد اسبوع واحد هنتجوز انا : طب اثبتهالك ازاى دى يعنى فاتن : مهما حاولت تثبت برضه مش هصدق غير لما اشوف بعينى انا : هههههه يابنتى فى اكتر من التجهيزات اللى شغاله والضيوف اللى هتوصل من بكره .. ده كله ومش مصدقه فاتن : عارف انا بحلم باليوم ده من قد ايه انا : من قد ايه ياستى فاتن : من اول ما انا كنت فى اولى اعدادى ... كل البنات حواليا بيحلموا هيتجوزا مين ويحطوا مواصفات للانسان اللى عاوزين يتجوزوه وبعد كده يشوفوا مين من الشباب اللى حواليهم تنطبق عليه المواصفات دى ... الا انا اول حاجه جات فى دماغى انت ... قولت ان انا عاوزاك انت ومش عاوزه حاجه تانى انا : ايه ده كله ... كل ده وساكته فاتن : اعمل ايه يعنى وانت كل شويه تحب واحده شكل ومش شايفنى خالص ... انا وقتها كنت بتقطع من جوايا وكان هاين عليا وقتها امسكك واقولك انا بحبك وماتبصش لحد غيرى وكل شويه اقرر انى اقولك ارجع فى كلامى انا : انا كنت بحاول ابعد عنك لانى شايفك بتعاملينى زى اخوكى ومن ناحيه تانيه ماكنتش اقدر اخون محمد او عمى وافكر مجرد تفكير فيكى ... كان صعب عليا جدا فاتن : تخونهم فى ايه مش فاهمه ... عادى واحد وحب بنت عمه ايه فيها دى انا : انا حسبتها من ناحيه تانيه لو انتى رفضتى اكيد علاقتى بيكى هتتغير وعلاقتى بمحمد هتتاثر يعنى كانت الخساره هتبقى كبيره فاتن : بعد الشر عليك من الخساره ... ياسيدى اهى عدت واتجوزنا وبعد اسبوع فرحنا انا : دى اكتر حاجه مفرحانى ان انا وانتى خلاص هنتجوز ويتقفل علينا باب واحد وساعتها مش هتفلتى من ايدى فاتن : ماتفكرنيش بالموضوع ده لانى بجد خايفه من الكلام ده انا : ههههه ماتخافيش طول ما انتى معايا فاتن : خلينا فى المهم ... مين الضيوف اللى هيوصلوا بكره انا : هههههه ماشى اهربى اهربى .... بصى ياستى هيجى بكره امانى وخطيبها وعيلتها واسامه وعيلته ومصطفى واخوه ومراته واولاده وعمر وعيلته ووسام وبسنت وعيلتهم فاتن : وهتقعد الناس دى كلها فين انا : فى الشقق اللى اتفرشت الاسبوعين اللى فاتوا فاتن : طب تمام انا : طب مش هتف*جينى على الفيلا بتاعتنا فاتن : ما انت شفتها كلها انا : بس انا عاوزك انتى تف*جيهانى زى المره اللى فاتت فاتن : ده بعينك انا : تعالى بس فاتن : لا يا مهيب مش هينفع ممكن اى حد ياخد باله وساعتها شكلنا هيبقى مش تمام انا : طظ فى اى حد تعالى ومالكيش دعوه ... واخدت فاتن ودخلنا الفيلا اللى هنتجوز فيها وكانت الفيلا اتفرشت وكله تمام واول مادخلنا رميتها على السرير ونمت جمبها فاتن : انا بحبك قووووى يا مهيب ومش عارفه ليه بسمع كلامك ومش بقدر اعترض على اى حاجه تقولها انا : كلمة بحبك دى كلمه قليله جدا على احساسى بيكى فاتن : احضنى يا مهيب ... عاوزه احس ان انا جزء منك انا : طب تعالى ... واخدت فاتن فى حضنى من غير ما اعمل اى حاجه فاتن : اضغط جامد وخدنى فى حضنك انا : مالك يافاتن فاتن : مش عارفه ... حاسه انى عاوزه اعيش جوه حضنك طول عمرى ... ارجوك يا مهيب ماتسبنيش ... طمنى بوجودك جمبى انا : ياحبيبتى انا عمرى ماهسيبك ولا ابعد عنك وقعدت فاتن فى حضنى اكتر من نص ساعه واحنا مش بنتكلم خالص حسيت وقتها ان انا وهى عاوزين بس نطمن بوجودنا مع بعض حتى لو مفيش بينا اى حوار انا : ايه مش هنقوم نمشى احنا كده اتاخرنا وممكن الناس يقلقوا علينا فاتن : طظ فى اى حد .. انا دلوقتى كل اللى محتجاه انى ابقى فى حضنك واحس بنفسك ودقات قلبك انا : انتى ازاى كده فاتن : لانى بعشقك ... وعشقى ليك دوب قلبى ومابقيتش اشوف الدنيا غير عن طريقك انت وبس انا : مش عارف اقولك ايه قصاد كلامك ده فاتن : ماتقولش حاجه كفايه انى فى حضنك ده عندى بالدنيا انا : اسكتى وماتقوليش اى كلمه تانى لانى كده انا هتعب بجد فاتن : طب سيبك من الكلام ده وقولى احنا هنسافر امتى علشان نقضى شهر العسل انا : بعد مانعمل الفرح ب 3 ايام فاتن : ليه ده كله مش المفروض نسافر تانى يوم انا : اعمل ايه تحكمات امك وخالتى عايزين يتطمنوا عليكى انتى وهدير قبل متسافروا معانا ده على اساس ان انا ومحمد ذئاب بشريه هنفترسكم فاتن : هههههههه مش مشكله ياحبيبى هم من حقهم برضه يتطمنوا علينا انا : ماشى ياستى * وقعدنا مع بعض شويه وبعد كده رجعنا البيت وتانى يوم وصل كل اصحابى مع اهلهم وسكنتهم فى الشقق اللى مجهزها فى العمارتين اللى بنيتهم مع الفلل والقصر #######

Free reading for new users

Scan code to download app

App Store Google Play

Facebookexpand_more