الفتي الشرير

الحلقة الاولي #البداية

#الفتي_الشرير

#الحلقة_الاولي

#البداية

_______

اول حاجة حابب اوضحها ان دي هتكون اخر رواية انشرها من النوعية دي اللي هي البطل المنفرد .

ثانيا الرواية كبيرة زي رواية اعداء بالدم بس هنا هنبدا مع البطل من وقت ما كان ف ثانوي هتبقي كلها دراما اجتماعية من الواقع واكشن زي انتم متعودين علية ف رواياتي وكل حاجة هتبقي واضحة دي هتبقي رحلة حياة هنبداها سوا

ثالثا هيبقي في شخصيات كتيرة فالبداية بس مع الوقت انت هتحفظ وتفهم كل حاجة ف اتمني متحكمش عليها من البداية

اخر حاجة هوضحها الرواية ل اصحاب النفس الطويل يعني. علي مراحل كل مرحلة بتمثل جزء ف حياة وشخصية البطل لحد ما نوصل لنهاية الرحلة اللي هتكون مفاجاة صادمة .

______

#يلا_نبدا

________

انا مهيب 27 سنه ، خريج هندسه خاصه

حكايتى تبتدى فى 2010 كنت فى تانيه ثانوى انا من الصعيد من الأقصر ومعنديش اى ميزه جسمى تخين ملامحى اصلا حلوه بس التخن كان مغطى عليها حالتى الماديه عاديه جدا والدى موظف على قده وامى ست بيت بس امى وارثه حته ارض كبيره من جدى بس كان مسيطر على الارض دى اخو جدى وكان بيرميلنا ملاليم كل سنه بحجه ان الزرع مابيجبش فلوس عندى اخين ولاد و 3 اخوات بنات انا اكبرهم فى الدراسه ماشى كويس بس فيا ميزه بشهاده الجميع انى بحب كل الناس وكل الناس بتحبنى ماعنديش مشاكل مع اى حد او بالتحديد لحد الوقت ده ماكانش عندى مشاكل مع اى حد بساعد اى حد محتاجنى باى طريقه ولو ماقدرش بحاول ادل اللى محتاجنى باللى يقدر يساعده بس المشكله الوحيده اللى كانت عندى فى الوقت ده علاقتى بالبنات كل البنات الى حواليا سواء جيران او قرايب او حتى بياخدوا معايا دروس شايفنى اخوهم كل واحده احاول ارتبط بيها تقولى انا مش شايفاك غير اخويا ده بسبب شكلى التخين بزياده وحالتى الماديه العاديه زى ماقولت واللى كان بيخلينى ماحولش اغير من نفسى انى ملاقتش الدافع او الحب اللى يخلينى اتغير

دى مقدمه عنى بس مهمه علشان نقدر نعرف الشخصيه بتاعتى وندخل بقى فى القصه

انا دلوقتى فى تانيه ثانوى فى اخر شهر 11 وطبعا تانيه ثانوى وتالته ثانوى شهاده يعنى سنه كامله وانا كنت علمى رياضه لان كان حلمى ادخل هندسه ، عندى اصحاب كتير بس اقرب شخص ليا كان ابن عمى هو اكبر منى ب 5 سنين فى كليه حقوق كنا متربيين مع بعض و احنا صغيرين بس ابويا بعد عن البلد بسبب وظيفته واحنا طبعا معاه بس المسافه بينا وبين بلدنا مش بعيده ساعه بالعربيه فى يوم وانا راجع من درس الرياضه على بعد العصر تقريبا لقيت عربيه نقل كبيره بتنزل عفش قدام عمارتنا انا ساكن فى الدور الخامس والشقه اللى قدامنا فاضيه بس احنا ساكنين سكن ادارى تبع الشركه اللى بيشتغل فيها والدى ولقيت والدى واقف مع واحد انا حاسس انى شوفته قبل كده بس مش قادر افتكر فين وكان فى عمال بتنزل العفش وتدخل بيه العماره دخلت سلمت عليهم والراجل اول ماشافنى اخدنى بالحضن وبيقولى كبرت يا مهيب وانا مستغرب راح ابويا عرفنا على بعض وافتكرته ده كان جارنا زمان ايام ما والدى كان بيشتغل فى المنيا المهم قعدنا مع بعض لحد ما العمال خلصو تنزيل العفش ودخلوه الشقه وانا طلعت شقتنا ولسه بفتح الباب شوفت ست اية ف الجمال بمعنى الكلمه قاعده مع امى دخلت وسلمت عليها وعرفت انها مرات جارنا الجديد بس ايه ست زى مابيقول الكتاب مهتمه بشكلها ولبسها ومن اول ما قعدت وانا مركز معاها لدرجه ان امى اخدت بالها وقالتلى قوم اعمل حاجه نشربها واول ما دخلت المطبخ امى دخلت ورايا وقالتلى لم نفسك عيب كده

المهم خلصت القعده والست مشيت وعلى الساعه 9 كده كنت بذاكر وامى دخلت عليا الاوضه وقالتلى قوم خد الاكل ده واديه لجيرانا علشان اكيد مش عاملين حسابهم فى اكل وانا قمت جرى علي امل انى اشوف الست دى تانى * ( راعي يا زوز ان دة لسة مراهق يعني تفكيرة كدة طبيعي ) * واخدت صنيه الاكل حطيتها فوق دماغى ورنيت الجرس فتحتلى الباب ملاك دى اققل حاجه ممكن تتقال لدرجه ان من جمالها انا كنت هقع بالصنيه قالتلى انت مين ؟؟

انا : ها

هى : انت مين

انا : انا جاركم وامى باعته معايا الحاجه دى ليكم

فتحت الضلفه التانيه واخدت مني الحاجه ودخلتها وقالتى شكرا وقفلت الباب انا دخلت بيتنا بسرعه وحكيت لامى وسالتها مين البت دى قالتلى دى بنتهم ياسمين معايا فى تانيه ثانوى انا فرحت جدا ولمعت عينى وقمت دخلت اوضتى تانى يوم وانا راجع من الدرس قابلت جارنا عند مدخل العماره وقعد يتكلم معايا وبعدين قالى ان بنته معايا فى ثانوى وكان عايز يتفقلها مع مدرسين علشان الدروس والمدرسين الشطار قفلو مجموعاتهم ومش بيدخلو حد قولتلو مالكش دعوه انت انا هتصرف وادخلها معايا فى مجموعاتى الراجل فرح قوووى وقالى خلاص هعتمد عليك سبته ودخلت شقتنا وطلعت تليفونى واتصلت بكل المدرسين اللى باخد عندهم واتحايلت عليهم وبالعافيه وافقو انهم يقبلوها وبعد ماخلصت اتفاق روحت جرى خبطت على جارنا وفتحلى هو الباب وقالى

جارنا : خير يا مهيب فى حاجه

انا : اه انا كلمت كل المدرسين وبالعافيه وافقوا على ياسمين انها تدخل معايا المجموعه واديتله جدول بمواعيد المدرسين

جارنا : انا مش عارف اقولك ايه شكرا جدا ليك على اللى انت عملته ده

انا : لا يا عمى مافيش حاجه ده واجب عليا على العموم بكره فى درس رياضه الساعه 5 والعنوان ........ ولو حبت تيجى معايا ماعنديش مشكله

جارنا : اكيد طبعا هى هتروح معاك كل الدروس لحد ماتحفظ هى الطريق لوحدها معلش يا مهيب هتعبك معايا

انا : لا مافيش اي تعب ياعمى سلام دلوقتى وبكره الساعه 4.30 هعدى على ياسمين علشان نروح مع بعض

جارنا : سلام يا مهيب

تانى يوم فى معاد الدرس خبطت الباب وفتحتلى ياسمين وسلمت عليا بس المره دى مختلفه مبتسمه فى وشى غير المره اللى فاتت خالص وقالتلى

ياسمين : ازيك يا مهيب اخبارك ايه

انا : تمام بخير يلا بينا الدرس اتاخرنا

ياسمين : يلا يا هوبا

انا : ايه الرضا ده كله اللى يشوفك دلوقتى مايشوفكيش المره اللى فاتت كنتى قافشه عليا

ياسمين : معلش اصل يومها كنت تعبانه من النقل والعفش زى مانت شايف

انا : ولا يهمك ياستى يلا بينا

ونزلنا وقعدنا نمشى علشان نوصل الدرس واحنا فى الطريق سالتنى

ياسمين : انت ازاى قدرت تدخلنى فى الدروس مع المدرسين دول مع ان منه (ومنه دى كانت جارتها فى البلد اللى كانت فيها واتنقلت هنا من سنتين بس بنت غلبانه ومابتعرفش تتصرف ) لما كلمتها حاولت مع المدرسين ورفضو تيجى انت بسهوله بعد ماكلمك بابا بنص ساعه تجبلى جدول مواعيد الدروس لدرجه ان انا قولت لبابا انك بتستهبل

انا: هههههه ليه كده بس

ياسمين : ماهو بال*قل كده منه فضلت تتحايل على المدرسين اسبوع كامل وبرضه مافيش فايده تيجى انت بسهوله تقنعهم

انا : ما انا عارف

ياسمين : عارف ايه

انا : اصل منه معايا فى كل الدروس وشوفتها هى وبتكلم المدرسين عليكى بس مكنتش اعرف انه انتى

ياسمين : هى منه معانا

انا : ايوه معانا بس منه شخصيتها ضعيفه شويه ومش بتعرف تتعامل مع الناس لكن انا المدرسين بيحبونى لكذا سبب اولا انا اللى منظم المجموعه بتاعه الدروس وهى هى مع كل المدرسين وانا مختار الطلبه المحترمين والكويسين ومابنعملش اى مشاكل غير ان المدرسين بتوعى واثقين فيا

ياسمين ''بانبهار'' : ازاى يعنى

انا : عادى هتشوفى بنفسك

وقعدنا نرغى لحد ماوصلنا مكان الدرس وهناك قابلنا " منه "

منه 'باستغراب' : ياسمين ؟؟ انتى جايه ليه مانا قولتلك المدرسين رفضو انك تدخلى المجموعه

ياسمين : لا انا دخلت والبركه فى مهيب

منه : انت عملتها ازاى يا مهيب

انا : عيب عليكى تسالى سؤال زى ده وانتى معايا فى الدروس للسنه التانيه

منه : بس مش للدرجه دى

انا : واكتر من كدا

جيه معاد الدرس ودخلنا كلنا واول مادخلنا الاستاذ نده على ياسمين وقالها انتى مين ؟

ياسمين ' بخضه ' : انا ياسمين اللى كلمك عليا مهيب امبارح

الاستاذ : اه ،، اهلا وسهلا يا ياسمين انا وافقت بس علشان خاطر مهيب بس مع انى عمرى ما عملتها قبل كده

ياسمين : شكرا جدا يامستر

الاستاذ : انتى فاهمه الحاجات القديمه لحد ماوقفنا ولا ايه الدنيا

ياسمين : ايو طبعا انا كنت بذاكر وباخد دروس فى البلد اللى كنت فيها

الاستاذ : طب تمام وخدى المذكره دى هديه منى علشان انتى من طرف مهيب

ياسمين : شكرا اووى يامستر

كل ده بيحصل ومنه حسيت انها هتنفجر من اللى بيحصل وقالت للاستاذ : اشمعنا يا مستر لما انا كلمتك على ياسمين ماوافقتش ولما مهيب كلمك وافقت وكمان اديتها مذكره هديه

الاستاذ : علشان انتى لما كلمتينى قولتيلى انها جديده ومنقوله ولما قولتلك اكيد مش فاهمه القديم وهتعطلنا وتعطل المجموعه احسنلها تشوفلها مدرس تانى يلحق يلملها المنهج ومايعطلهاش انتى ماتناقشتيش معايا لكن مهيب لما قولتله الكلام ده قالى اكيد كانت بتذاكر واللى هيوقف معاها هو ملتزم بيه هيشرحهولها لانها ساكنه معاه فى نفس العماره وشايل مسؤليتها وقدر يقنعنى

منه : مانا ماكنتش اعرف الكلام ده

الاستاذ : خلاص مش مشكله

المهم عدت الحصه وعدى شهرين واحنا بنروح الدروس مع بعض وبنذاكر مع بعض يعنى تقريبا معظم اليوم مع بعض وفى خلال الشهرين دول كنت لميتلها كل المنهج القديم لحد ماوصلنا وبقينا ماشين مع المدرسين لحد مافيوم حصلت حاله وفاه فى البلد عندنا وكنا فى اجازه نص السنه ابويا وامى واخواتى راحو البلد وقالو هياخدوا 10 ايام انا روحت معاهم اول يوم عزيت ورجعت تانى علشان الدروس والمذاكره . المهم اول مارجعت دخلت الشقه كنت تعبان لانى اخدت اليوم كله فى العزاء وبالليل سهرت مع ابن عمى للصبح وماكنتش نمت . دخلت بيتنا الساعه 10 الصبح نمت وصحيت الساعه 10 بالليل دخلت المطبخ جهزتلى لقمه وكلمت امى اطمنت عليهم ودخلت عملتلى كبايه شاى واخدت علبه السجاير كنت وقتها بشرب بس على خفيف ممكن سيجاره كل فترة * ( بردو يا زوز دة مراهق وبيجرب عادي مع العلم انا عمري ما جريت بس صوابعك مش زي بعضها )*المهم دخلت البلكونه اشرب السيجارة وحصل اللى غير حياتى وانا واقف فى البلكونه

سمعت ام ياسمين بتكلم حد فى التليفون وبتعيط وبتقولو ابوس ايدك ماتفضحنيش انا هروح بكره ابيع السلسله واد*ك فلوسه ... انا وقتها اتصدمت ومابقتش عارف اعمل ايه وفضلت صاحى الليل كله افكر ياترى هى كانت بتكلم مين وايه ماسك عليها قعدت الليل كله افكر وساعتها عرق الشهامه نقح عليا وقررت اساعدها

اول ماجت الساعه 8 جارنا خرج على شغله وياسمين خرجت درس الساعه 10 ولما اتصلت عليا علشان الدرس قولتلها انا لسه فى البلد ومش هلحق اجى الدرس قالتى خلاص تمام انا هروح الدرس واقول ظروفك للاستاذ سلام

وقفت ورا الباب ببص من العين السحريه لحد ما ياسمين خرجت ونزلت استنيت 10 دقايق وخرجت ورنيت الجرس على جارتنا فتحتلى الباب وكان شكلها مانامتش وشكلها كانت بتعيط طول الليل

طنط : ياسمين خرجت على الدرس يا مهيب ولسه هتقفل الباب منعتها وقولتلها

انا : عارف ان ياسمين خرجت انا عايز اتكلم معاكى انتى فى موضوع مهم ياريت حضرتك تدخلى البلكونه وانا هدخل بلكونتى واكلمك علشان مش هينفع تيجى عندي او ادخل عندك ومش هينفع نتكلم على السلم

طنط : ليه يا مهيب في ايه

مادتهاش فرصه ودخلتها وانا دخلت البكونه

طنط : خير فى ايه ؟

انا : انا سمعتك وانتى بتتكلمى فى التليفون وعايز اساعدك انك تحلى مشكلتك

طنط " بصدمه " : سمعت ايه ؟

انا : سمعت مكالمه امبارح وانتى بتقولى لحد ماتفضحنيش وانك هتبيعى دهبك علشان تسكتيه قوليلى مين ده وماسك عليكى ايه وانا هساعدك وسرك فى بير ماتخافيش

طنط : بتردد وصدمه وعياط حكتلى كل اللى حصل

والملخص ان جوزها بقى ضعيف من ساعه ما جاله القلب ومش بيديها حقوقها وهى ضعفت مع واحد جارنا وفى سنى وصورها ودلوقتى بيبتزها

انا : ماتخافيش انا هتصرف

طنط : هتعمل ايه يعنى

انا : مالكيش فيه دى بتاعتى بكره بالكتير كل شئ هيكون خلصان

سبتها واتصلت بابن عمى وحكيتله كل حاجه والخطه اللى فى دماغى وابن عمى اقتنع وقالى مسافه السكه وهكون عندك واجبلك المطلوب معايا قفلت معاه واتصلت بمعتز وده بقى صاحب المشكله

انا :ازيك يا سطا واحشنى

معتز : ازيك يا مهيب اخبارك ايه

انا : تمام ياسطا فينك

معتز : موجود ياسطا فى البيت

انا : عايزك فى مصلحه يا سطا

معتز : خير

انا : مافيش بس ابن عمى جايلى البيت النهارده بايت معايا وابن عمى ليه فى الحشيش والسهر وانا ماعرفش حد غيرك ليه فى النظام وعايزك تساعدنى

معتز : مخيب انحرف يارجاله وبقى ليه فى النظام اهلا بيك ياسطا وسط اخواتك هظبطلك الدنيا حشيش وفودكا ونسوان كمان

انا : لا ياسطى بلاش نسوان علشان بواب العماره صاحى طول الليل ومراقب الدنيا ومش ناقصه مشاكل مع ابويا احنا عايزين حته حشيش وناخد سهرتنا قولى بس محتاج كام

معتز : ماشى يسطا بلاها نسوان السهره هتكلفك 300 جنيه

انا : ماشى ياسطا عدى عليا وخد الفلوس وروح هات اللى يلزمك واعمل حسابك انت سهران معانا الليله

معتز : اوك 10 دقايق واكون عندك

قفلت معاة ومافيش ربع ساعه وكان عندى اخد الفلوس وقالى هييجى بالليل على الساعه 10

وبعد ما مشى بساعه وصل ابن عمى وقعد معايا ورتبنا كل حاجه وسبته ودخلت انام علشان مانمتش من امبارح وقولتله صحينى على المغرب

وبعد المغرب صحيت وقعدت انا ومحمد ابن عمى اكلنا وقعدنا فى البلكونه نرغى ونتف*ج على افلام على اللاب بتاعى مستنيين معتز

وعلى الساعه 9.30 اتصل بيا معتز وقالى انه اشترى كل حاجه وجايلى فى الطريق وبالفعل ربع ساعه ووصل وسلم على ابن عمى والسهره بدات

محمد : اكلت حاجه يامعتز

معتز : لا يسطا لسه والله

محمد : طب ثوانى هدخل المطبخ اجبلك ساندوتشات كبده لسه عاملينها

معتز : تسلم ياسطا

دخل محمد يجيب السندوتشات ومعتز بيسيح الحشيش فى السجاير وبيلف وجيه محمد بالاكل وادى محمد الاكل لمعتز واخد السجاير علشان يكمل لف وبعد ما اكل اشتغلت السهره ومعتز شغال شرب بغباء لحد ما الطاسه استوت على الاخر وراح فى دنيا تانيه وبقى شغال يضحك ويهزر وبقى مش مظبوط خالص لحد ماوقع على الارض ومابقاش قادر يصلب طوله بس حاسس بكل حاجه حواليه روحت غمزت لمحمد انه يبداء المرحله التانيه من الخطه قالى تمام وقام وقف وانا مسكت كاميرا كنت مجهزها جمبى وشغلت التصوير ( تفاصيل لا داعي ل. شرحها ) المهم بعد ماخلصنا سبنا معتز ونسخنا الفيلم وظبطنا على اللاب واديت نسخه لمحمد وحطيت نسخه على تليفونى ونسخه على فلاشه واستنينا معتز لحد مافاق وبعد مافاق لقى نقسة بحالة غير حالتة قعد يزعق انتو عملتوا ايه

انا : اهدى وانا هوريك

معتز : عملت ايه يا انطق

انا محستش بنفسى غير وانا بشده من شعره وارميه على الارض ولفيت ايده ورا ضهره وثبته وبقى يتالم من الوضع وبقى يتحايل عليا اسيبه قولتله هسيبك بس تهدى وهفهمك هز راسه بالموافقه وسبته واديته الموبايل عليه الفيديو وقلتله اتف*ج مسك الموبايل وشغل الفيديو واتف*ج هو ومصدوم وبعدها بصلى وقالى انت ليه عملت كده وعايز ايه

انا : ده رد فعل بسيط للى انت عملته فى منى جارتى ولو فكرت تتعرضلها ساعتها الفيديو ده هيتوزع على الشارع كله وابقى ف*جنى ساعتها هتعمل ايه

معتز : انا موافق هبعد عنها ولو شوفتها ماشيه فى شارع همشى من الشارع التانى

انا : وفى حاجه كمان

معتز : اؤمرنى

انا : بكره الصبح تتصل بيها تعتذرلها وتستسمحها كمان

معتز : انا موافق

وقام معتز وقال انه اتاخر ولازم يمشى قولتله ماتنساش الاتفاق قال حاضر الصبح هكلمها ومشى

قعدت انا وابن عمى كملنا السهره ودخلنا نمنا الساعه 7 الصبح

وعلى الساعه 10 صحيت على رن تليفونى رديت وانا بين الصحيان والنوم من غير ماشوف مين اللى بيتصل

انا : الوووووو مين معايا

المتصل : انا منى يا مهيب

انا : ازيك ياطنط خير

منى : انت عملت ايه فى معتز ده اتصل بيا وبيعتذرلى وبيقول انه مسح الصور والفيديوهات وانه مستعد يبوس رجلى علشان اسامحه

انا : ماعملتش حاجه بس قرصتله ودنه قرصه خفيفه

منى : قرصه خفيفه ده الواد بعد ما كان عامل اسد بقى فار

انا : سيبك منه وانسيه وانسى الموضوع كله ومعلش سبينى دلوقتى عايز اكمل نومى لانى تعبان وعايز ارتاح

منى : خلاص ماشى بس لينا كلام بعدين

قفلت معاها وعدت الايام والشهور خلصنا امتحانات تانيه ثانوى وانا ابدعت فيها مع انى كنت ماجل كيمياء بس انا واخد قرار التاجيل من اول السنه وخلال السنه ' منى'كانت بتحاول تعرف انا عملت ايه وانا مش راضى اقولها ومن ناحيه تانيه كنت اتعلقت بياسمين بطريقه غريبه وقررت انى لو جبت مجموع حلو افاتحها فى الارتباط وقبل ما النتيجه تظهر بيومين كنت قاعد فى الكافيه اللى بتجمع فيه مع اصحابى بس فى اليوم ده وصلت بدرى وانا قاعد لقيت منه قاعده وحدها روحت سلمت عليها وقعدت معاها شويه

انا : ازيك يامنه

منه : تمام ياعم فينك مختفى من ساعه ماخلصنا امتحانات وانت مش ظاهر واتصلت بيك تليفونك مقفول وسالت عليك ياسمين قالتلى انك نزلت البلد

انا : اه نزلت البلد بعد الامتحانات على طول والبلد الشبكه هناك ضعيفه جدا ولسه راجع من البلد اول امبارح

منه : حمد لله على السلامه

انا : تسلمى .... كنت عايز اسالك على حاجه

منه : خير

انا : ايه رائيك فى ياسمين

منه ' بصدمه ' : مالها ياسمين

انا : بصراحه بحبها وعايز ارتبط بيها ومستنى النتيجه علشان لو جبت مجموع حلو هفاتحها

منه ' بحزن بتحاول تداريه ' : الف مب**ك ياسمين كويسه وبنت ناس محترمه عن ازنك بس افتكرت حاجه ماما طالبها منى وكنت ناسيه وقامت تجرى

___________

وهنا انتهت الحلقة الاولي والى اللقاء فى الحلقة التانية