Totoong hindi na ako mapakali dahil sa narinig. May mga oras na nagigising ako sa malalim na pagtulog. Para bang binabangungot ako dahil do'n. Hindi naman importante kung magustuhan ako ng Mama niya o hindi, kaya lang ang sa akin naman ay ayaw ko nang dagdagan iyong mga taong ayaw sa relasyon namin.
Nakakasakit din naman kasi ng puso.
"Uuwi ka na?" Tanong ni Hannabeth, nagmamadali na akong magligpit. Na pinagtataka niya.
"May lakad ako e..." iling ko. Na tinanguan niya naman.
Sumakay na kaagad ako ng jeep at umuwi sa amin. Nando'n sina Mama't Papa, parehong nagdidilig at nag-aalaga ng mga halaman namin sa harap ng bahay.
"Maa, may dinner po ako mamaya kasama si Hawk. Baka gabihin po ako..."
Tinanguan niya lang iyon kaya nagmamadali na akong umakyat. Muli akong naligo, at chineck kung
