Nagkaroon ng pagyanig ng lupa at lumitaw ang isang lagusan. Nagpapahiwatig ito na natapos na nila ang mahigit na apat na buwang pamamalagi nila sa loob ng Mystic Realm. Mabilis na pumasok ang mga batang martial artists upang umalis na sa lugar na ito. Makikita na may bawas ang kanilang miyembro ngunit alam nilang minalas lang sila. Hindi nila ito pinansin pa at umalis na rin sa lugar na ito.
Paunti ng paunti ang bilang ng hindi pa nakarating sa lagusan. Marami na rin ang umalis sa lugar na ito.
...
Sa labas ng Mystic Realm ay kasalukuyang naghihintay ang maraming mga opisyales upang salubungin ang kanilang mga estudyante o disipulo para makumpirma kung maayos ba sila o namatay.
Marami ang hindi mapakali sa kanilang kinatatayuan at kinauupuan lalo na nang bumukas muli ang Mystic Realm
