"Ayoko nang bumalik dyan! Nagpaalam na 'ko sa 'yo di ba?! Ayoko na! Tapos na tayo. Wala nang tayo matagal na panahon na! Mag-moved on ka na sa'kin utang na loob!" Singhal ni Hector na dinig na dinig mula sa banyo.
Katatapos lang ng mens ni Belinda at nagpasalamat siyang di siya buntis. Plano pa naman sana niyang sabihin ito sa nobyo niya.
Lumabas siya ng banyo at sinilip ang kasama niya. Naghagis ng baso na agad nabasag maging iyong bote ng alak.
Naghahagis pa ito ng mga gamit at bawat nababasag ay napapaigtad siya. Nang kumalma na ito matapos ang halos kinse minutos, saka niya tinangkang lumapit.
"Wag muna ngayon. Pagod ako." Malamig na tono nito.
Nasa likuran pa lang siya nang magsalita ito.
"Love," humakbang pa siya palapit.
"Ang sabi ko, wag muna ngayon! Di ka ba makaintindi?!
