EXCITED na inihain ni Yuri sa harapan ni Laraine ang bagong bake niyang pastries. Nasa balcony sila at kasalukuyang nagdo-drawing ang pinsan sa sketchpad nito. Pero nang dumating siya ay tumigil ito at inilagay sa isantabi ang drawing materials nito.
Napapapikit nitong sinamyo ang amoy ng bagong baked na mga tinapay. Bagong hango niya lang no'n sa oven at sigurado siyang mainit pa 'yon. Pero sabik na siyang ipakita at ipatikim ang mga 'yon dito kaya kumuha na siya ng ilang piraso para matikman na nito at masabi nito ang verdict. Iyon ang mga bagong produkto na nais niyang idagdag sa menu pero kailangan pa niya ng feedback at si Laraine lang ang nakikita niyang pwedeng gumawa no'n.
"Ang bango ha... Amoy pa lang mukhang masarap na. Gano'n din naman ang itsura," komento nito at sinimulang p
