ALISHA POV
H- HINDI kami magkadugo ni Tyler? Imposible! Ako ang nagbigay sa kanya ng buhay. Paanong hindi kami magkadugo at bakit nagparehas ang dugo nila ni Grace? Napuno na ng katanungan ang isipan ko.
Pinipigilan ako ni Dra. Villardez na pumasok sa loob ng hospital ngunit hindi na ako nagpapigil pa para alamin ang totoo. Buong lakas kong tinulak ang pinto at naroon si Tyler na mahimbing na natutulog habang si Martin at Grace ay tila nagulat na makita ako.
Hindi na rin napigilan pa ang mga luha sa mata ko at sunod-sunod na rin ang pagbagsak. Hindi ko sila kayang makita, hindi ko man maintindihan ang mga nangyayari ay sigurado akong may mali.
Lumapit si Martin at isang malakas na sampal ang aking naibigay sa kanya.
“Simula pa lang ng pagsasama natin, niloko mo na ako. Martin, ano
