من ناحيه تانيه فى النيابه وكيل النيابه قاعد ودخل عليه الحاج طايع
وكيل النيابه : اتفضل يا حضرة النائب وانا اسف جدا على الازعاج
طايع : لا مفيش ازعاج ولا حاجه يا باشا انا تحت امرك فى اى وقت
وكيل النيابه : انا بس كنت عاوز ادردش معاك شويه بخصوص اللى حصل
طايع : اتفضل يا باشا
وكيل النيابه : ممكن تقولى ايه طبيعة علاقتك بالمرحوم
طايع : كان خطيب بنتى احنا يا دوب كتبنا الكتاب
وكيل النيابه : بس كده
طايع : لا طبعا انا كنت بعتبر اسامه زى ابنى ده غير انه كان ماسكلى شغلى
وكيل النيابه : يعنى علاقتك بيه كانت كويسه
طايع : كويسه جدا اسامه ده كان ابنى اللى مخلفتهوش كنت باتسند عليه فى الشغل وكل حاجه
وكيل النيابه : يعنى مكانش فى اى مشاكل بينكم
طايع : لا ابدا يا باشا
وكيل النيابه : بس التحريات اللى عندى بتقول انك اتخانقت مع اسامه خناقه كبيره شويه قبل الحادثه
طايع : ايه امتى الكلام ده
