الشيطان يعظ ( الجزء الثالث)

الفصل السابع

الفصل السابع

يمكن تتغير ل الاحسن يمكن تفتح و تبقي احلي يمكن محدش عارف بكره مخبي ايه

بدايه الفصل

قعدنا في الكافتيريا شويه و بعد كده اخدت اميره نروح بس وقفت في السكه و ركنت علي جنب

اميره : و قفت ليه

انا : علشان عايز اتكلم معاكي شويه

اميره : قصدك عايز تعرف انا وافقت ليه كان في دماغك من امبارح اني اول ما اسمع الكلام ده من صقر اديه علي دماغه صح

انا : صح

اميره :و مين قال انه محصلش لا حصل سمعته الكلام الي ها تقوله ماما بس هو رد عليا و هو واثق من نفسه عنده عزه نفس انا مش عايزه راجل دلدول روح يمين يروح روح شمال يروح عايزه راجل جبل اتسند عليه

انا : صقر ع**د و مغرور بلاش يغرك جو الهزار و الضحك

اميره : عارفه و مش زعلانه بالع** انا موافقه جدا صقر راجل بجد و بعدين دي مصلحه ليك طريق مفروش بالورد يا بتاع ورد

انا : اميره لو موافقه علي العلاقه دي بسببي انا و ورد لا انا لو عايز ورد اروح ليها

اميره : كذاب مازن انتا جبان مش قادر تنسي فريده خالص

انا : مين قال اني مش نسيها

اميره : انتا كنت معاها من يومين في بار فندق النيل واحده شافتك من صحباتي و صورتك و بعتوها ليا بص يابني انتا حر في حياتك انا مش ها نصح و الصوره اتمسحت من تليفون صاحبتي و تليفوني انا كمان بس فكر انتا في كام فرصه ها تيجي و تضيع و ها يضيع معاها كام سنه من عمرك يا ابن امي و ابويا

سمعت الكلام و بصيت قدامي و اتحركت لي البيت و طول الطريق مش بنتكلم خالص دخلنا القصر

سحر : ها يا ولاد عاملين ايه في الدراسه

انا : ماشي الحال بس انا عايزك في موضوع مهم

سحر : ايه هو الموضوع

انا : اميره

سحر : زعلتي اخوكي ليه يا حيوانه

اميره : وله جيت جنب الننوس ابنك اهو عندك

سحر : في ايه يا حبيبي

انا : اميره في واحد عايز يتقدم ليها

سحر : يتقدم ليها!!!!!!

انا : ايوه بنت يبقى تتجوز

سحر : بس مين ده

انا : صقر صاحبي

سحر : نعم صقر مين ده الي اجوزه بنت هارون الخديوي انتا جري لي عقلك حاجه

اميره : ليه لا

سحر : يوم ما اجوزك اجوزك لي ابن وزير ابن سفير ابن راجل اعمال شخص مهم

اميره : انتي عارفه في النادي شاب ممتاز جدا اسمه سامي ابوه راجل اعمال كبير جدا كنا نشوفه كل يومين ثلاثه مع بنت جديده بس بنات ايه يا ماما حاجه تعقد انا كا اميره اعجبت بيهم لحد ما في واحده شردت ليه في كل حته تخيلي الواد طلع ايه طلع شاذ

سحر : ل**نك يا كلبه

اميره : (ببرود) انا بوضح بس مش اكتر طلع جايب البنات دي تكميل لي المنظر العام اعمل ايه بواحد زي ده و يطلع عيل شمام بدره وله بتاع نسوان و خمره او شاذ تخيلي لو طلع شاذ فعلا

سحر : (بصوت عالي و نرفزه) كلامك يا زباله يا تربيه الشارع

اميره : طيب انا وضحت تفكيري ليكي اوضح تفكيرك كمان بصي يا ستي واحد من دول جوازه مصلحه ليكي و جواز من صقر كمان مصلحه و المصلحه في راجل محترم يقف جنبي بدل ما يطلع زي اشرف مثلاً د**ث شوفتي المصلحه في ايه بس المصلحه هنا ليا انا مش ليكي او لي الشغل يا ماما

سابتنا و طلعت فوق و قعدت انا و سحر ولعت سيجاره

سحر : اطفي الزفته دي و رد عليا

انا : اقول ايه ردي انتي علي الكلام ده انتي بتتكلمي في المصالح زي ما تكون سلعه تتباع و تتشرا خلاص مصلحه بمصلحة طلعت هيا ال**بانه

سحر : يعني علشان صاحبك ترمي اختك

انا : (زعلت من كلام سحر جدا) ليه شيفاني فكرت في ابن راجل أعمال وله ابن وزير فكري و انتي تعرفي مين الي عايز مصلحه في الحكايه دي ياااا سحر هانم

سحر : يا مازن يا حبيبي افهم الموضوع مش سهل كده لا ده نسب و بعدين امل كانت ديمن تقول حاسب قبل ما تناسب صح

انا : صح

سحر : خلاص تقدر تقولي مين صقر ياريت عرب ده بدو

انا : لما هو بدو كنتي عايزه تجوزيني ورد ليه (تلفوني رن من رقم عمتي رديت عليها و سبت سحر من غير ما اسمع ردها) لالا التلفون نور جداً

حياه : ياض يا بكاش اطلع من دول

انا : اطلع ليه بس بكدب لا ده الحق و انا اقول الحق لو علي رقبتي وحشاني يا عمتي

حياه : و انتا كمان يا واد يا مازن عامل ايه

انا : انا تمام انتي الي عامله ايه و بتاخدي الدوا وله مطلعه عين عمار معاكي

حياه : لا مطلعه عينه

انا :ههههههه شكلها عاده في ستات العيله دي كلهم يطلعه العين

حياه : بقولك ايه يا واد انتا مش تتصل علي عمتك تسأل عليها

انا : يا قمر قول العنوان و انا بليل اكون عندك

حياه : مش عايزه اتعبك كفايه اسمع صوتك في التلفون ده انتا من ريحه الحبايب

انا : لالالا مينفعش معايا الجو ده وله مش عايزه تشربيني كوبايه شاي من ايدك

حياه : ربنا وحده الي يعلم اني عايزه اشوفك يا مازن بس احنا ساكنين في حته يعني

انا : يعني ايه

حياه : يعني مش قد المقام

انا : ها قولي العنوان

حياه : يا حبيبي بلاش

انا : قولي بس العنوان

حياه : (باين من صوتها انها محرجه) في بولاق الدكرور

انا : فين يعني من ناحيه شارع السودان وله من ناحيه شارع المعز وله عند السلخانه او عند محب بتاع الكبده او المشرحه ولا مستشفي اسماعيل الخيري في انهي حته بالظبط بولاق الدكرور بلد كامله لوحدها

حياه : و انتا عرفت الاماكن دي كلها منين و بعدين فين محب بتاع الكبده ده

انا : عند جامع الشهيد قرب زاويه الاحمدي

حياه : يا مفتري حتي زاويه الاحمدي تعرفها

انا : ها انطقي ساكنين فين

حياه : طيب احنا ساكنين عند مستودع الأنابيب

انا : مستودع أنابيب الغاز وله مستودع انابيب الاو**جين

حياه : الاو**جين يا لمظ

انا : طيب حضري الشاي علشان جاي بليل

حياه : تشرف يا غالي

انا : يله سلام. وخدي الدوا بتاعك

حياه :ههههه حاضر يا سيدي

قفلت معاها و سحر كانت بصه ليا و ها تكولني بعنيها

انا : في ايه يا ست الكل مالك

سحر : دي حياه صح

انا : ايوه

سحر : و شغال خدي الدوا خدي الدوا ياخي عمرك ما سألتني باخد الادويه بتعتي وله لا

انا : جري ايه يا سحر ادويه ايه انتي لا عندك ضغط وله سكر وله كرسترول حتي ده انتي بطل لوله انك امي كنت اتجوزتك اول ما شوفتك في شرم الشيخ

سحر : (مبتسمه علشان بس تعرف يا زوز اني الستات دول سهل تاكل بعقولهم حلاوه) بجد يا واد

انا : طبعا و بعدين انتي بتاخدي بس فوار كل يوم الصبح على الريق علشان تخسي مع انك مش محتاجه

سحر : علشان بس تعرف ان امك حلوه

انا : بس بقي لحسن القراء بيكراشه عليكي قوليلي صحيح هو ليه عمتي عايشه في بولاق

سحر : دي حكايه قديمه جدا

انا : و انا عايز اسمع

سحر : بص يا سيدي احنا عيله موجوده في مصر من زمان بننحدر من اصول الاسره العلويه (اسره محمد علي) بس بعد ما قامت الثوره و جدنا خسر كل املاكه في مصر اتجه لي الشرب و الجو ده لحد ما خسر كل املاكه الي بره مصر في لعب القمار و فلس و انتحر اولاده عاشه في فقر كتير بس الجيل الي بعده اشتغل في وظائف حكوميه لحد ما بابا جيه بابا من و هو صغير و هو طموح جدا اول مليون جنيه عملهم و هو عنده ٢٠ سنه شوف بقي الكلام ده من كام سنه كانت المليون جيه حاجه اشتغل في كل حاجه لحد ما بقي مليونير كبير جدا و عمل مجموعه الخديوي

انا : طيب و اخوه

سحر : عمي يا سيدي كان شخص احلامه بسيطه يعيش في سلام مش اكتر بدون مجزفه حافظ علي الوظيفه الحكوميه و كان مخلف حياه (ابتسمت) و هارون بابا عرض عليه كتير يشتغل معاه بس هو كان بيرفض و يقول يا سيدي أنا شغال و عايش و كلها عيشه (زي جدي محمود كده رفض ياخد كام فدان في الصحراء بي خمسه جنيه تعاله يا جدي شوف الارض فيها مول العرب دلوقتي يله اصل جدي كان غاوي فقر) ابوك دخل الكليه الحربيه (ابتسمت) و اتجوزنا بعد ما اتخرج و عمتك حياه رفضت عرسان كتير جدا من اصحاب ابوك الي كانه ضباط و قبلت بالمرحوم جوزها و من موت ابوك و علاقتي بعمتك مقطوعه كل الي اعرفه انها خلفت قبل موت ابوك ولد و بعد موت ابوك سمعت اني جوزها مات

انا : اممممم طيب

سحر : انتا موافق علي موضوع صقر ده

انا : ايوه

سحر : طيب فكر شويه

انا : انا مفكر و مفيش فرصه احسن من كده

سحر : يعني انتا معاها

انا : اميره مش محتاجه حد يأيد رأيها اميره ع**ده و الي في دماغها ها تعمله

سبتها و طلعت فوق الاوضه بتعتي

في مشهد اخر

في روسيا وصله كلهم لي قصر كبير لا مش قصر ده قلعه محصنه و مبنيه بحجاره و حوليها مساحه كبيره من الارض دخله جوه القصر و بترسين عرفتهم الاوضه بتعتهم و جمال راح جناح طبي كامل ليه و بترسين كانت عمله معاهم واجب محترم الصراحه كل واحد طلع يرتاح و بترسين دخلت مكتبها و علي الفجر كده الباب خبط

بترسين : مين

سما : انا سما يا مس بترسين

بترسين : طيب اتفضلي

سما : (دخلت و هيا مبتسمه) اتمني اني جيه في وقت مناسب و مش مسببه ازعاج

بترسين : لالا وله حاجه اتفضلي

سما : (قعدت) شكرا انا جيه اشكرك علي الضيافه دي

بترسين : (مبتسمه) دي المره الاربعه عشر الي تشكريني فيها

سما : و مهما شكرت مش ها وفيكي حقك

بترسين : ماشي يا سما شكرا

سما : بس هو ممكن اسأل سؤال

بترسين : تشربي ايه

سما : لا وله حاجه

بترسين : عيب لزم تشربي حاجه انا ها شرب قهوه

سما : خلاص يبقي قهوه

بترسين : (عملت اتنين قهوه في المكنه) اتفضلي

سما : شكرا (شمت ريحه القهوه الي انتشرت في المكان كله) الملكي

بترسين : ايوه دي هديه من مازن قولي ايه السؤال

سما : هو ليه حضرتك بتسعدينا يعني تكلمي سفير علشان نسافر و احنا هنا في بيتك كان ممكن تستكفي انك لقيتي دكاتره او السفر حتي

بترسين : مازن

سما : مازن ماله مازن

بترسين : مازن شخص مهم جدا بالنسبه ليا صديق جدع جدا مقدرش ارفض ليه طلب

سما : ليه لا

بترسين : بصي مازن لبسني مهموز كان شاطر فيه فكرت اقتله بس مش عرفه رفعت المسدس في وشه و هو قبلني بابتسامه و برود و عدم خوف كائن غريب

سما : (بصت لي بترسين بابتسامه) انا اعرف مازن من زمان جدا يعتبر انا الي مربياه اصل احنا جيران من زمان و دايما كنت اشوف حكايات البنات عليه و الغريبه انهم كلهم بيحبوه

بترسين : مازن انسان كويس علشان كده محبوب

سما : و ديمن كنت اشوف حبهم ليه في عنيهم زي ما انا شيفاه دلوقتي

بترسين : (بصت لي سما بتعبير وش جمده و بعد كده ابتسمت) عندك حق انا بحب مازن بس اللاسف هو من عالم و انا من عالم تاني خالص حياتي مختلفه عنه غير كده مازن لسه صغير و فرق العمر بنا كبير جدا بكره يقابل واحده من سنه و يحبها و تحبه لكن انا لا

سما : عندك حق و بعدين انتي مش كبيره اوي يعني

بترسين : (ابتسمت) عرفت مازن كلامه حلو لي مين اطلعي ارتاحي جمال ها يعمل عمليه بكره هو و محمود

سما : تصبحي علي خير

طلعت سما بس مش قدره تنام قعدت لحد تاني يوم و الممرضين بيجهزه محمود علشان هو المتبرع و جمال كمان

نور : (مسكت ايد محمود) متخفش

محمود : مش خايف

احمد : علي فكره الدكاتره دول ممتازين جدا انا اتكلمت معاهم شويه امبارح

محمود : المهم لو جمال طلع من الاوضه و انا لا بلغوه اني اسف لو زعلته هو و مازن في يوم من الايام

سما : بس الكلام الع**ط ده انتا ها تطلع مع جمال من الاوضه متخفش

محمود : مش خايف اول مره في حياتي محسش بالخوف انا مطمن اني جمال ها يكون كويس

عثمان : جاهز يا بطل

محمود : جاهز

عثمان: (اده حقنه) لما تفوق ها يكون اخوك فايق و معاك

بترسين : (كلمت عثمان في ودنه) لو حد فيهم مات بلاش تطلع من الاوضه احسن ليك

عثمان : (بص لي بترسين بهدوء) انا عارف بعمل ايه

####