“Oh, kita mo, linggg!” singhal ni Kyla kay Watt Yabro habang nakaturo sa tatlong bata na pawis na pawis at halatang galing sa matinding laro sa labas. “Tingnan mo ang mga bata! Ang dudugyot! Manang-mana sa’yo!” Ulit pa nito sabay titig sa kanya ng mariin na para bang tigreng galit na galit at gustong manakit.
Kahit na medyo napikon na si Watt, pinili niyang hindi na lang ipakita. Tumitig siya sa tatlong bata — sina Dan, Den, at Din — na ngayo’y mas lalong naging hyper dahil napansin nilang sila ang pinag-uusapan. Ang kanilang mga damit, na dapat ay puti, ay tila naging grayish-brown na sa sobrang dumi. Ang pawis nila, parang ulan na bumubuhos mula sa mga noo nila hanggang sa baba. Literal nga talaga na dugyot at mabantot na dahil amoy araw na.
“Hayaan mo na sila!” sagot ni Watt, may halo
