تشرق شمس يوم جديد على آدم وسيلين وسليم وتنزل سيلين للفطور فوجدت أروى ووالدتها فقط على طاولة الفطار.
سيلين:صباح الخير يا ماما عاملة ايه انهاردة،أزيك يا اروى صباح الخير.
أروى ووالدتها:صباح النور.
سيلين:أمال فين آدم مبيفطرش ليه.
أروى:جه متأخر اوي ونام ولسة مصحاش .
سيلين بينها وبين نفسها:كويس أقدر أقولهم بقى ثم علت صوتها تقول:ماما سليم هييجي انهاردة عشان يحدد معا الخطوبة وتتفقوا على كل حاجة ووو..ووعايزني أتغدى معاه بعد ما تخلصوا كلامكم ايه رأيك.
السيدة عليه:ماشي يا حبيبتي خليه ييجي في الوقت اللي هو عاوزه اهلا وسهلا بيه بس يا سيلين عاوزاك انا فموضوع ممكن يا اروى يا بنتي تسيبينا لوحدينا شوية
أروى:اوك مفيش مشاكل مبروك يا سوسو والله فرحتلك.
سيلين:شكرا يا أروى.
السيدة علية:ناوية على ايه؟
سيلين:في ايه؟!
السيدة علية:فأهلك هم مش المفروض يعرفوا أن بنتهم هتتجوز.
سيلين:أهلي!وانت اللي بتقولي ك
