"Thea... nasaan ka ba?" bulong ni Liam habang habol ang hininga sa gitna ng parking lot. Pinuntahan na niya ang Wellness Booth, ang Student Council Office, maging ang paboritong tambayan nilang dalawa sa garden, pero walang bakas ng dalaga.
Mukhang tuluyan na itong nagtago sa kaniya dahil sa tindi ng sama ng loob.
Biglang nag-vibrate at tumunog ang hawak niyang cellphone. Sa lakas ng kabog ng dibdib niya, halos ihagis niya ang phone sa pagmamadaling tingnan ang screen, umaasang pangalan ni Thea ang lalabas.
Ngunit hindi si Thea. Si Chloe—ang bokalista at bandmate niya.
Agad niyang sinagot ang tawag, pilit na itinatago ang panginginig ng boses. "Chloe..."
"Liam? Nasaan ka ba?!" bakas ang stress at inis sa boses ni Chloe mula sa kabilang linya. Naririnig din sa background ang ingay ng p
