"Thea, pakinggan mo ako…" Mabilis na humakbang si Lucas at hinawakan ang magkabilang kamay ni Thea. Ayaw itong hayaang lumayo pa. "Nasasaktan ako kasi nakikita kitang nahihirapan, hindi dahil galit ako sa'yo."
"Pero nasasaktan ka pa rin, Lucas!" bulalas ni Thea habang patuloy na dumadaloy ang kaniyang mga luha. "At ako ang dahilan nun! Paano natin itutuloy 'tong kasal kung ako mismo, hindi ko pa kayang ibigay sa'yo ang kapayapaan na nararapat sa'yo? Ayokong maging pabigat sa'yo habambuhay."
Dahan-dahang inalis ni Thea ang engagement ring sa kaniyang daliri at inilagay ito sa palad ni Lucas.
Napatitig si Lucas sa kumikinang na singsing sa kaniyang kama., Tila nagdilim ang buong paligid para sa binata.
"Anong... anong ibig sabihin nito, Thea?" nanginginig at basag na tanong ni Lucas.
Ki
