Nakatingin ako ngayon sa salamin habang sinusuklayan niya ang aking buhok. Galak akoang pumarito si Mommy Natascia sa loob ng aking silid upang ako'y kanyang makausap. “Kumusta ka, ’nak?” tanong niya sa akin.
“Ayos lang ako, Mommy. Ikaw ba? Kumusta ka naman?” Habang tinitingnan ko ngayon ang kanyang repleksyon. Abalang-abala pa rin siya sa kasalukuyan niyang ginagawang pagsusuklay.
“Mommy is fine as well, 'nak. Sobra lang din talagang busy sa business to the point na kailangan ko na rin minsang mag-beauty rest.” Mahinhin siyang napatawa sa sinabi niyang iyon samantalang napangiti naman ako.
“Kung ganoon Mommy, puwede namang mag-beauty rest kayo ni Ate Martha para naman magkaroon din kayo ng oras sa isa't isa. Sobrang busy na rin kasi ninyong dalawa kaya kailangan niyo rin ng me time
