"Leia?" boses mula sa bumukas na pintuan kung nasaan ang party. Napalingon kami at nakita ko si Bea.
Napakunot noo ako.
Mabilis na lumapit sa akin si Bea at hinila ako sa kamay, "Tara na sa loob."
Nagpatianod na lang ako sa paghila ni Bea. Nang maupo na kami sa harap ng pahabang mesa ay halos naroon na ang lahat. Wala nga lang si Lawrence. Nakita ko naman ang pagpasok nina Heaven at Ms. Sarah. Naupo sila na katapatan namin na upuan at hindi ko magawang makatingin pa sa kanila. Para akong kinukurot ng pino sa damdaming hindi ko naman dapat maramdaman.
Matapos ang masayang pagbati ng lahat ng dumalo sa party ay nagkaayaan ang marami sa pagsayaw.
"Sayaw tayo," kumapit sa braso ko si Bea. "Tara."
Tinignan ko ito at napansin ang bahadyang pamumungay ng mga mata nito, "Lasing ka na."
"Min
