KINAUMAGAHAN Maagang gumising si Brielle. Napangiti at hinaplos niya sa buhok ang natutulog na anak pagkatapos ay bumangon sa higaan. Inuunat ang mga braso at binti.
Ang sarap talaga kapag nasa probinsya ka. Lalo na sa lugar nila. Malamig at sariwa ang simoy ng hangin. Makapal ang hamog lalo kung hindi pa gaanong sumisikat ang araw. Para kang nasa baguio.
Paglabas ni Brielle sa silid tila may spring ang mga paa na tinungo niya ang kusina kung saan nalalanghap niya ang mabangong aroma ng tila ginigisang bawang.
Pakiramdam ni Brielle ay extra colorful ang umagang iyon. Dahil sa tuluyang pag kakaayos-ayos at unawaan ng kaniyang pamilya. Akala niya kasi hanggang panaginip at pangarap na lang na matatawad siya ng ina. Hindi niya akalaing sobra-sobra ang ibibigay sa kaniya ng diyos. Hindi
