PAGE 34
Bestfriend
***********
Napanganga ako ng makita iyong lugar na kanina pa pala tinitignan ni Dennis. Hindi na nga ako nakatanggi at react ng hawakan niya ang kamay ko at hilahin papunta dun.
Madilim dilim na at nag-uumpisa nang dumami iyong tao sa paligid.
"Akala ko wala ng ganito eh." Nakangiting wika ni Dennis habang nag-iikot kami sa paligid.
Ngumiti lang ako. Akala ko din hindi na uso ang peryahan kaya nagulat din akong meron nito dito. Medyo ipinagbawal na kasi ito sa ilang lugar sa Pilipinas pero siguro sa mga maliliit na bayang katulad nito, hindi talaga madaling kalimutan ang nakagawain na.
"Na-try mo na bang makasakay ng mga rides sa ganito?" Nakangiting nilingon ako ni Dennis.
Medyo natulala ako dun.
Ang ganda kasi ng ngiti niya. Parang batang paslit n
