Ramdam ni Logan ang puwersa na humihila sa kanya pababa. Para itong may sariling mga galamay at hindi niya kayang makawala. Pinilit niyang lumangoy paitaas ngunit hindi niya magawang maigalaw nang maayos ang katawan, maging manipulahin ang enerhiya sa kanyang sistema. Mas lalo pa siyang nahihirapan dahil hawak pa rin niya ang dalaga na ngayon ay nagsisimula ng magbago ang kulay dahil kinukulang na sa hangin. Maging siya ay nagsisimula na ring maliyo dahil hindi makahinga nang maayos. Malapit ng sumuko ang kanyang buong sistema nang maalala niya ang red blood liquid na kanya lamang itinatago. Agad niyang naisip na maaaring makatulong ito sa kanya lalo’t nasa Middle blood world na siya. Sa pagkakatanda niya sa sinabi ni Leshiu ay maaari na niyang gamitin ang liquid dito sa mundong ito. Dinai
