Kabanata 8
Val pov
Nasa back seat kaming dalawa ng sasakyan. Ramdam ko ang mahinang ugong ng makina habang tuloy-tuloy ang takbo nito sa kalsada. Tahimik lang din ang driver at ang mga bodyguard ni Kazuki na kasama namin, at pansin ko rin ang mga sasakyang kasunod sa amin tila isang maingat na prusisyon na hindi maaaring maputol.
Pinilit talaga ng kumag na ito na ihatid ako sa pinapasukan kong hospital, kahit ayaw ko at malinaw namang kaya kong mag-commute mag-isa. Pero wala na akong nagawa at hindi na ako nakipagtalo pa; wala rin naman akong lakas para gawin iyon ngayong umaga. Parang nanghihina ako hindi ko alam kung sa pagod, sa puyat, o sa bigat ng mga nangyayari sa buhay ko. Magkakasakit yata ako sa dami ng iniisip.
At mas lalong hindi ako sanay sa ganitong katahimikan naming dal
