Kabanata 36
Jarry’s POV
Nakauwi na ang mga kaibigan ko na sina Marie, Harold at Alex kanina, kaya nagpasya na lang ako na magwalis muna ng salas at nagligpit na rin ako ng mga kalat namin dahil sa mga kinakain naming tsitserya. Mag-isa na lang ako ngayon na gumagalaw sa buong bahay. Pasado alas sais na kasi ng gabi at hindi pa rin umuuwi si kuya. Akala ko pa naman at maaga siyang makakauwi ngayong araw. Pero baka marami lang pinagawa si dad sa kanya kaya until now ay wala pa rin siya.
Mas minabuti ko na lang na maligo muna para pagkatapos kong maligo ay magluluto na ako ng aming hapunan. Kahit naman papaano ay marunong na naman akong magluto. Kasi nga naman noon, noong kami pa lang ni mama ang nakatira sa bahay ay pinagluluto na niya ako at tinuturuan
