Kabanata 99
Harvey’s POV
Bumaba na lang ako ng sasakyan, kaysa naman mas lalo pang gulohin ang aking isipan sa kung ano ang iba’t ibang pumapasok dito.
Hindi pa nga ako tuluyang nakapasok ng salas ay sinalubong na ako agad ni mama sa labas.
“Mabuti naman at nandito ka na, akala ko ba on the way ka na kanina,”
“Bumalik lang po ako kanina sa labas, ma. Nakalimutan ko po kasing sunduin si Lee.”
“Kaya pala, ayon na ang kapatid mo sa kusina, nagmemeryenda. Magbihis ka na muna, saka na tayo mag-usap na dalawa.”
“Sige po.”
Napabitiw naman ako ng malalim na pagbuntong-hininga dahil sa hindi ako agad tinanong ni mama sa mga lakad ko kanina, pagod na rin kasi ako. Kaya sa kwarto muna ako at ipapa
