Kabanata 34
Jarry’s POV
Kinaumagahan, maaga akong ginising ni kuya. Pupunta na raw kasi siya ng hideout, pinaalam na niya rin sa akin na may niluto na siyang agahan sa mesa at buksan ko na lang daw iyon kapag nagugutom na ako. Marami pang mga tanong at habilin si kuya sa akin, patungkol sa pagpunta ng mga kaibigan ko na kagrupo ko sa isang activity. Kailangan daw huwag magpapasok ng kung sinu-sino sa bahay, at kailangan hindi ako aalis ng bahay kahit na anong mangyari dahil walang magiging tao.
Pinaalalahanan niya rin ako na maging maingat sa mga salitang ikukwento ko patungkol sa amin, at baka may makaalam sa kung ano ang buhay namin.
“Naiintindihan mo ba ang lahat ng habilin ko sa ‘yo, Lee?”
“Opo, kuya.” Nagtango lang ako
