Kabanata 58
Harvey’s POV
Kasalukuyan ko pa ring sinusundan si Stanley sa parking area, pero nang lingunin ko ang kanyang sasakyan ay wala na ito sa kanyang puwesto. Kaya wala na akong pinalipas na oras kaya dalidali na kong tumungo sa sasakyan ko at pinagana na nga ito. Unang pihit ko pa lang ng susi ay nag-start na, agaran kong pinatakbo ito. Kahit na hindi ko alam kung saan iyon hahagilapin, pero sinundan ko lang ang kalye na para bang naghahanap ng imposible. Sobrang traffic at ang dami ngayong sasakyan na nagsisiksikan. Teka, namukhaan kaya ako ni Stanley kanina kaya siya agarang umalis sa bilyaran? Baka nga siguro!
Inip na inip na akong naghihintay sa gitna ng nagsisiksikang mga sasakyan, bakit ba kasi ngayon pa ‘to, kung kailan may hinahabol ako
