لأنك أنت

الأول

يا نجمة في السما عالية

همسكها انا بإيدي

كان ال**وف والخجل اخذ ملأه من عزة وقد فرح جميع من بالكافيه مما ذادها خجلا فطلبت منه ان تعود الي منزلها فأخذها وعاد بها الي المنزل وعندما فتحت اشجان الباب فوجئت بيوسف فرحبت به كثيرا

اشجان : حمد الله علي السلامة يا حبيبي انت جيت امتا

يوسف: جيت امبارح

اشجان : ومحدش شافك امبارح ليه

يوسف : معلش كنت جاي من السفر تعبان

لتخرج صفاء علي صوت اخيها وهي لا تصدق اذنها

صفاء : وهي تأخذه بين احضانها وحشتني كتيير اوي يا يوسف ثم تنظر الي عزة التي تقف وبيدها باقة الورد ويبدو عليها السرور لتغمز صفاء ليوسف بمرح

صفاء : الله الورد الجميل دا ليا ولا لسمير يا يوسف

يوسف : لا ليكي ولا لسمير وخليكي في حالك

صفاء: الله يسهلو ياعم

اشجان : ادخل يا حبيبي تتغدي معانا النهارده عشر دقايق وهتلاقي عمك وعصام جم

يوسف : ماشي انا جاي عشان عايز عمي في موضوع مهم

ليجلس يوسف يرتب في كلماته وافكاره وهل ما يفعله صحيح او انه تهور منه يخشي ان يفهمه عمه خطأ فين*دم كل شئ ولكن ماذا يفعل وقد طارت جميع ابراج عقله بفعل معشوقته الصغيره وبعد لحظات جاء عمه سمير وبعدها حضر عصام وبعد السلامات والترحيب

يوسف: بإرتباك وتردد عمي انا عايزك في موضوع مهم

عصام : بنظرة خبث خير يا يوسف مالك مبلول كده

يوسف : وهو يشير بإصبعه الي عصام بمعني صبرك عليا اصل انا جاي في موضوع محرج شويه وطبعا انا جاي لابويا التاني وعارف انه عمره ما هي**فني

سمير : من غير مقدمات يا ابني ادخل في الموضوع علي طول

يوسف : عايز اتجوز عزة

سمير : كده علي طول يعني جايلي بطولك والاخر عايز تتجوز بنتي

يوسف : والله انا جاي بكلم حضرتك بس وبابا وماما هجبهم اخر النهار عشان نقرأ الفاتحه

سمير : اخر النهار تقرأ الفاتحه يا ابني احنا محتاجين سنه نفكر وكمان ناخد رأي البنت

يوسف بإندفاع : لا متقلقش يا عمي عزة موافقه

سمير : يعني بتقرطسوني طيب اخر النهار تجيبلي دوسيه فيه مؤهلاتك والسيرة الذاتيه ممضي من اتنين موظفين وتجيلي

يوسف : انا بقولك عايز اتجوز بنتك مش اقدم علي وظيفه

عصام : الي هذا الحد لم يستطع كتم ضحكته فضحك حتي ادمعت عيناه فضحك سمير لينظر لهم يوسف بدهشه ويقول انتوا بتهزروا صح وقعتوا قلبي حرام عليكوا مش كفايه بنتك الي ذلاني سنتين

سمير: طب اعمل حساب اني انا ابوها

__________________

عزة : كده يا روكا وقال إيه عاوزاني في موضوع مهم

ريهام : هههههههه بزمتك فيه أهم من كده موضوع

عزة : ف*ج علي الكافيه إبن عمي حسين

بس قوليلي هو يوسف وصلك أزاي

ريهام وقد أرتبكت وحمدت ربها أنها لا تري حالتها الأن ولا تعرف ماذا تفعل

ريهام : يا ذكيه هيكون وصلي أزاي يعني بس سيبك أنتي الواد طلع رومانسي عالأخر ورد وحركات لأ وإيه واقع عالأخر

عزة : كان نفسي أقوله سيبني أفكر

ريهام : ههههه المرة دي بقي كان يد*كي قلم رباعي الأبعاد

عزة : طب سلام بقي ألحق أظبط نفسي عشان جايين بالليل يقرؤو الفاتحه ما تحاولي تيجي

ريهام : ربنا يتمم لك بخير يا قمر أجيلك بقي في الشبكه

عزة : سلام يا قلبي

ريهام : سلام لتغلق الخط وتأخذ نفس عميق : ربنا يكملك علي خير

__________________________

حضر يوسف مع والده ووالدته ومعه بعض الحلوى وبعد السلامات والترحاب

حسين : بص بقي يا سمير يا أخويا من غير مقدمات ولا غيرة إحنا يشرفنا نطلب إيد كريمتكم الأنسه عزة لنجلنا الأستاذ يوسف

ليكتم يوسف وعصام الضحك

سمير : إديني مهله سنتين أفكر وأسأل عنكم

حسين : خلليهم ثلاثه يا سيدي إحنا كمان نسأل

وهنا نفذ الصبر فنهض يوسف وسط نظرات الجميع

يوسف : بصو بقي أنا عاوز أتجوز عزة ونقرأ الفاتحه الوقتي وطلباتكم كلها تحت أمركم فيها والشبكة وكتب الكتاب الخميس الجاي

سمير وحسين في نفس الوقت : كتب كتاب

يوسف : آه بصراحه أنا عاوز أمسكها في إيدي دي فرهدتني

ليضحك الجميع علي هذا العاشق المجنون

لتدخل عزة و صفاء يحملون المشروبات والحلوي

سمير : أهي عزة جت أهي نسألها عن رأيها هي اللي هتتجوز

ليميل عليها يوسف ليدثها بصوت هامس : عارفه لو قولتي حاجه غير موافقه وعاوزة أتجوزة هقتلك عصام وسمير وأقتل نفسي

لتضحك عزة بشدة علي كلماته و تجلس بجوار عمها

سمير ينظر إلي عزة بحنان وأصطبغ صوته بالجديه : ها قولتي إيه يابنتي

عزة ب**وف : اللي تشوفه يا بابا

سمير : وبابا مش موافق

حسين : يبقي نقرأ الفاتحة

تقرأ الفاتحه وسط فرحة الجميع لترفع الزغاريط لتعم المكان الفرحه والبهجة ويزيد إلتحام العائلتين

_____________________________

ذهبت تهاني إلي شقة سعد علي حسب الموعد لتفتح الباب ظنا منها أنه لم يصل بعد ولكنها تراه ينتظرها ويحضر لها الطعام والعصير وشموع تملأ المكان لترتمي تهاني في أحضانه

تهاني : وحشتني يا سعوده

سعد : أنتي أكتر يا روحي كده كل ده غياب عني

تهاني : معلشي ياروحي أعمل إيه من ساعة ما عرف إني حامل وهو هيتجنن مش عاوز عيال

سعد : ليه

تهاني : عشان أخته لسه مخلفتشي

سعد : دا بني آدم مريض

تهاني : بس إيه المفاجأة الحلوة دي

سعد : بس مش دي المفاجأة

تهاني : فين المفاجأة

سعد : صبرك بقي ناكل الأول

تهاني : إيه دي خمرة

سعد : لا دي بيرة حاجه خفيفه كده بس بلاش أنتي عشان الحمل

تهاني : يسلملي خوفك علي

يتناولون الطعام وسط مغزلتهم لبعضهم البعض

سعد نهض وأخذ بيد تهاني : مش يالا يا روحي تشوفي المفاجأة وكمان أنتي وحشاني موووت

لتنهض تهاني معه تسير بين أحضانه ليتجهوا إلي غرفه النوم ليفتح سعد علبه قطيفه بها أسورة ويعطيها لها

تهاني : الله دي جميله أوي يا سعد وشكلها غاليه أوي

سعد : مفيش حاجه تغلي عليكي يا روحي

تهاني : ربنا يخلليك ليا وميحرمنيش من حنيتك علي ليغرقا في المحرمات

____________________

في الجامعه

عزة : يوسف بينتقم مني

ريهام بقلق : ليه عمل إيه

عزة : البيه حدد الشبكه الخميس الجاي ألحق أحضر إيه أنا

ربهام : مش قصه يا عزة في يوم هتخلصي كل حاجه

عزة : هتعرفي تاخدي أجازة يوم وتلفي معايا

ريهام هشوف كده

ليعلن هاتف عزة عن وصول مكالمه

عزة : ألو

يوسف : يا أحلي ألو بسمعها في حياتي

لتبتسم عزة : إيه اللي أنت عملته إمبارح ده

يوسف : عملت إيه يا روحي

عزة : تحدد الخطوبه يوم الخميس

يوسف : لأ فعلا غلطان كان المفروض الإتنين

عزة : يوسف متجنننيش مش هلحق أعمل حاجه

يوسف : ولا يهمك يا روحي بعد المحاضرات هستأذن من عمي وهنخلص كل حاجه ولا يهمك

سلام بقي عشان عندي شغل

عزة : سلام

____________________

تعود تهاني إلي البيت لتغط في النوم من آثار حملها ليعود سامح من العمل ويري الأسورة

سامح : تهاني ....تهاني

تهاني : أيوة يا سامح تعبانه

سامح : هي الأسورة دي بتاعت مين

لتفيق تهاني وتنظر إلي الأسورة التي نسيت أن تخبأها

تهاني : بتاعتي بابا جبهالي بمناسبة الحمل

سامح : إيه ده هو بباكي رجع

تهاني : لا هو قال لماما وهي جابتها

سامح : بس دي شكلها غاليه أوي

تهاني : آه بس ما تغلاش علي

سامح : أكيد

_____________________

سهير : عامله إيه يا توتو

تهاني : الحمد لله يا ماما شوفتي لتريها الأسورة

سهير : الله حلوة يا توتو دي كين اللي جايبها

تهاني : سامح جبهالي بمناسبة الحمل بس لو أي حد سأل حتي أخواتي قولي بابا اللي جايبها

سهير : ليه

تهاني : أنتي عارفة أمه هتقوم الدنيا

سهير : ماشي .....عرفتي الجديد

تهاني : خير

سهير : البت عزة هتتخطب الخميس لإبن عمها حسين

تهاني : شغال إيه ده

سهير : مهندس وبيسافر برة

تهاني : بنت الإيه وقعت واقفه

سهير: آه هي وقعت واقفه وإحنا نزلنا براسنا في الطين

تهاني : ليه

سهير: البلوة اللي فوق دي هتجنن أخوكي قريب والا ردودها عليه وعلينا تحسي أنها معاشتشي مع بني آدمين

تهاني : غلبانه مش أحسن من نورا

سهير : لا يابنتي نورا شاطرة ونضيفه ومحافظه علي أخوكي ول**نها حلو

تهاني : آه يا أختي طو عمرك بتحاميلها

ليعلن هاتف تهاني عن مكالمه وارده

تهاني : إيه الرقم ده

سهير : ما تردي

تهاني : لو رن تاني

وبالفعل يعاد الإتصال

تهاني : ألو

_:.............

تهاني: مين معايا

_:.............

تهاني : بجد ثواني وهكون تحت

_ياتري مين اللي طلب تهاني

_ عزة هتعمل إيه مع يوسف

_ محمود هيغير ليلي وإلا هيسلم بالامر الواقع

_ خطة لتهاني عشان تفرق بين ليلي ويوسف

كل ده مع أحداث تانيه في البارت القادم

??مع تمنياتي بقراءة ممتعه??