"Ni minsan ba, hindi pumasok sa isip mo na baka buhay nga si Brad at baka may ibang babae nang kasama?”
Kunot-noong nilingon niya si Kimmy nang marinig ang tanong nito. Nasa dagat ang tingin nito subalit alam niyang nasa kaniya ang pansin ng kapatid.
Kasalukuyan silang naroon sa resort— kung saan sila dati nagtungo ni Brad— upang ipagdiwang ang kaarawan ng kanilang ama. Sila-silang magpamilya lang ang naroon at side-date na rin ng mga magulang nila.
"Why do you always have to be so negative, Kimmy?”
"I don't know. Naisip ko lang na baka buhay nga si Brad pero hindi na nais pang bumalik kasi may nakilala nang ibang babae.”
“No— hindi ganoong klase ng lalaki si Brad. Besides, bakit pati sa pamilya niya ang magtatago siya?”
“Marahil ay gusto niya ng bagong simula. Maraming Western peopl
