الفصل الثانى
4690 Words
يوجد قانون في الدنيا يسمى قانون الدوران فتأكد تماماً أن ما تفعله اليوم سوف يأتي إليك يوماً ما .
لا تحزن في يوماً على افتقادك لشيء جميل ، ففي بعض الأحيان لا بد أن يرحل الجميل ليأتي الأجمل .
اجعل خطواتك مثل الذي يمشي على الرمال ، لا أحد يسمع صوت خطواته و لكن أثر خطواته واضح .
في بعض الأحيان يكون لابد من أن تخسر المعركة حتى تتعلم أن تربح الحرب . . لا تحاول أن تعامل كل الناس بنفس الأسلوب ، فإذا عالج الطبيب كل المرضى بدواء واحد لتوفى معظمهم . . . ( بقلم سحر جاد )
. . . . . . . . . . . . . . . . . . . . . . . . . . .
بداية الفصل . . . . . . . . . .
رهف ( بحده ) / ميرسي يا ابن عمي و بما انك مرحب بكلامى اوى ف هبدا كلام من عندك . . . بص يا يوسف انا اخر حاجه فى الدنيا انى ممكن افكر اتجوزك انت هتفضل طول عمرك بالنسبه ليا اخ بس و لا عمرك هتكون غير كده . . . و انت يا عمي انا مش مواقفه على الجوازه دى اولا لان ولادك كلهم زى اخواتى و ثانيا لانى مش هتجوز غصب عنى و بالاجبار لشخص انا مش عاوزاه ثالثا بقا و دا الاهم حضرتك انا لسه 18 سنه يعنى مش قد المسؤليه و قاصر انا ما اقدرش اتحمل مسؤلية بيت و عيله و ماعنديش حاجه اسمها جواز دلوقتى سواء ابنك او غيروا . .
محمد / ليه مش زيك زي غيرك اصغر منك دلوقتى و متجوزين و فاتحين بيوت و عندهم اولاد . .
رهف / طيب يا عمى انا معاك للاخر لما انا كبرت و المفروض اتجوز ما جوزتش بناتك ليه و هما قدى . . .
محمد / ما جالهمش حد مناسب و انا رفضت . .
رهف / خلاص يا عمي لما تجوز بناتك اوعدك ساعتها افكر لكن دلوقتى ما اوعدكاش . . ( بقلم سحر جاد )
محمد / قول حاجه ل بنتك يا مصطفى . .
مصطفى / انا عمرى ما هاجبر بنتى على حاجه يا محمد و بالذات الجواز لو وافقت من نفسها انا هقف معاها و طالما رفضت هقف معاها برده هى اللى هتتجوز و تعيش مش انا . . .
يوسف ( بنبره حزن و **رة حاول يخفيها ) / و انا محترم قرارها دا يا عمي و هنفضل انا و هى اخوات و يوم ما هتختار اللى يناسبها انا اللى هسلمها ليه بنفسي . . . .
محمد / انت بتق . . . . .
يوسف / خلاص يا بابا يلا بينا . . . .
رهف / ميرسي يا يوسف على تفهمك دا . . . .
يوسف / العفو لو احتاجتى حاجه هتلاقينى جمبك . . . عن اذنكم عن اذنك يا عمى معلش ازعجناك . . . . .
مصطفى / و لا ازعاج ولا حاجه يا ابنى البيت بيتك انت ابني ( بقلم سحر جاد ) . .
يوسف / تسلم يا عمى مع السلامه علشان عندى شويه شغل فى الشركه مع السلامه . . . . .
( يوسف نزل من البيت ركب عربيته و بياخد نفسه جامد و متضايق و خبط بايده فى العربيه ) . .
يوسف ( لنفسه ) / لى يا رهف لييه لي بتعملى فيا كدا لى مش قادره تشوفى حبى ليه انا تعبت مش قادر اقرب منك و لا ابعد لما بقرب بتفكرينى بقرب منك علشان اضحك عليكي و اتجوزك علشان ورثك بس انا مش عاوز كل دا انا عاوزك انتى يا رهف عاوزك انتى انا بحبكك يا رهف بحبك افهمى بقا بحبك من يوم ما شلتك على ايدى من لما كنتى لسه مولوده انا اللى اختارتلك اسمك حبيتك فى كل يوم و كل لحظه كنتى بتجرى عليا و تقوليلى جيبلى شيكولا يا يوسف حبيت كل تفاصيلك لى مش قادره تحسى بيا لى انتى عاميه للدرجه دى يااااااارب ( دمعه نزلت من عينه مسحها بسرعه و طلع على الشركه ) . . .
( عند رهف ) . . . . . . . . . . . . . .
ام رهف / لى يا بنتى الرد دا لى تحرجيهم بالطريقه دى . .
رهف / اعمل اى يعنى يا ماما انا تعبت من الضغط دا و عمى مصر يضغط عليا و على بابا اعمل انا ايه يعنى اهو كده يعرف ان الرد منى مش من بابا و يبطل بقا . .
مصطفى / مش عارف لى حاسس يوسف بيحبك . . حسيت ب**ره فى صوته لما كان بيتكلم . .
رهف / و مين قالك انه مش بيمثل ما يمكن يكون بيعمل كده علشان يستعطفنا و نوافق . . . ( بقلم سحر جاد )
مصطفى / مش يوسف يا بنتى اللى بيعرف يمثل دا انا اللى مربيه . . . .
رهف / العيله دى كلها عندى زى بعضها يا بابا مفيش غير مازن و مريم انا بكرههم يا بابا و عمرى ما هتجوز يوسف و عمرى ما هنسا اللى حصل من مرات عمى مش هنسا ان عمى بيحاول يجبرنى على ابنه علشان الورث و مش هنسا ان الاخ بيبتز اخوه ابدا يا بابا مش هنسا عن اذنكم . . . .
( عند يوسف فى الشركه يوسف متعصب جدا )
يوسف / يعنى ايه الورق مش جاهز و الصفقه خلاص هتتمضى . . . . .
السكرتيره / يا فندم حضرتك قلتلى ما اكملهوش غير لما تقراه و تشوف البنود اللى لسه المفروض هنزودها
يوسف / الملف دا يخلص خلال نص ساعه بس فاهمه
السكرتيره / بس . . . . . ( بقلم سحر جاد )
يوسف / اللى قلت عليه يتعمل . . .
السكرتيره / تمام يا فندم عن اذنك . .
يوسف / اتفضلي . .
( السكرتيره بهمس و هى تخرج ) هو عامل كده لى دا هو كل فتره يتجنن علينا . . .
( يدخل محسن صديق يوسف الانتيم و بيشتغل معاه ) . . .
محسن / ايه يابنى مالك فى ايه . .
يوسف / الله يخليك يا محسن سيبني لوحدي دلوقتى . .
محسن / فى ايه يابنى مالك احكيلى انا عارف انك كنت رايح النهارده تتقدم ل رهف تانى ايه اللى حصل . .
يوسف / ( بان**ار ) لو انا اخر راجل مش هتبصلي انا اخوها بس مش اكتر ولا اقل ما بتحبنيش يا محسن و المره دى سمعت بودنى مش عمي اللى قال . .
محسن / معلش يا صاحبى بكره تحبك غصب عنها و تحس بيك ( بقلم سحر جاد ) . . . .
يوسف / لا مش عاوزها غصب عنها عاوزها تحبنى علشان عاوزه تحبنى عاوزها تحس بيا بس . .
محسن / بكره تحس بيك يا صاحبى ما تياسش بس لازم تغير معاملتك معاها انت قلتلى ان هى مع مازن علطول بيضحكوا و بهزروا ادخل معاهم فى الكلام و اضحك و هزر و عيش سنك بلاش البدل اللى علطول لابسها دى حاول تلفت نظرها كده ما تبقاش معقد زى ما هى شايفاك . . . .
يوسف / خايف تضيع منى يا صاحبي . .
محسن / استهدا بالله كدا و اعمل زى ما بقولك حاول تلفت انتباهها بس و ان شاء الله مش هتخسرها
( يدخل مصطفي ) . . . . . . . . . . . . .
مصطفى / فين ملف الصفقه يا يوسف مدراء شركة الهلالى على وصول
يوسف / خلال عشر دقايق يا عمى و هيكون الملف جاهز . . . .
مصطفى / مش عاوز غلط يا يوسف فى الصفقه دى . . . الصفقه دى هتنقل الشركة فى حته تانيه . .
يوسف / ما تقلقش يا عمى ان شاء الله هن**ب الصفقه دى و هتكون من نصيبنا . .
مصطفى / ان شاء الله و خلى اى حد يجهز اوضة الاجتماعات . .
محسن / انا اهتميت بيها يا فندم و جاهزه حاليا فى انتظار اصحاب شركة الهلالى . .
.مصطفى / تمام انا هسبقكم . . .
( عند رهف ) . . . . . . . . . . . . . . . . . .
رهف / الوو . . .
منار / ايه يا روفة مالك . .
رهف/ متضايقه شويه بقولك ايه ما تيجى ننزل نتمشى شويه . .
منار / اى يا بنتى احنا لسه جايين من بره من شويه .
رهف / منار بقولك متضايقه و عاوزه اخرج هتيجى معايا ولا انزل انا .
منار / اى دا شكل الموضوع بجد فى اى يا بنتى . .
رهف / تعالى ننزل بس و هحكيلك . .
منار / تمام هالبس و اجيلك على طول . .
( بعد نص ساعه اتقابلوا منار و رهف . . . و رهف حكتلها على اللى حصل ) . . .
منار / رهف هسالك سؤال و جاوبينى بصراحه . .
رهف / اسالى . .
منار / انتى لى بتعملى كدا مع يوسف ليه بتكلميه كده و بتعامليه بطريقه مش حلوه رغم ان و احنا صغيرين كان اهم شخص عندك كنتى لما بتحتاجى حاجه او بتخافى من حاجه بتجرى عليه هو ليه كده دلوقتى . .
رهف / منار يوسف اخويا مش اكتر من كدا و عمره ما هيكون غير كدا انا وعيت عالدنيا ان هو اخويا الكبير قبل المشاكل و حوارات عمى دى . .
منار / طيب لى ما تديلهوش فرصه انتى نفسك بتقولى انه غير باباه كتير . .
رهف / مش هقدر اشوف . . . . .
( صوت من خلفهم ) . . . لا كده كتير اشوفك فى اليوم مرتين دا انا امى دعيالى بقا . .
رهف / لؤى اوووف يابنى هو انا مش هرتاح منك . .
لؤى / لا يا رورو عيب كدا دا انا حبيبك برده .
رهف / حبك برص يا اخى قال حبيبتك قال انت اهبل . .
لؤى / لا ما بحبش البرص حبينى انتى ما عنديش مشكله . .
رهف / اوووف لؤى بص انا مش فى المود خالص والله ممكن تسيبنى لوحدى بقا و تتفضل .
لؤى / اوبااا شكل الموضوع جد مالك . .
رهف / مفيش يا لؤى ممكن ابقا لوحدى بعد اذنك انا هامشي انا بعد اذنكم . .
( سابتهم و مشيت ) . . .
لؤى / رهف مالها يا منار . .
منار / فى موضوع مضايقها شويه بس . .
لؤى / مضايقها اوى يعنى . .
منار / جدا . .
لؤى / تعالى نعمل حاجه تفرحها اى رايك . .
منار / موافقه بس هنعمل ايه . .
لؤى / هقولك . . . .
( تانى يوم يوسف قام الصبح كله نشاط غير من طريقة لبسه زى ما محسن قاله لبس قميص اسمر من بنطلون اسمر و كوتشي ابيض مع ساعه سمرا و نزل على السلم يستنا يشوف رهف و هى نازله وبعد خمس دقايق رهف تفتح الباب )
رهف / حاضر يا ماما خلاص بقا هتاخر كدا . .
والدة رهف ( زينب ) / اما اشوف اخرتها يا رهف . .
يوسف / صباح الخير اخبار حضرتك ايه يا مرات عمى . .
زينب / صباح النور يا حبيبي انا بخير الحمد لله . .
رهف / اى دا اى دا شكلكوا نسيتونى شكلى كدا ماليش مكان هنا امشي انا بقا سلااام .
يوسف / حد ينسا القمر دا برده . .
رهف / اى دا انت بتعا**نى ياللهول الحقى يا ماما يوسف بيعا**نى . .
زينب / هههههههه يلا يا هبله . .
يوسف / الله اختى اعا**ها براحتى . .
رهف / ماشي يا سيدي ماشي نكمل بعدين اتاخرت كتيير لازم امشي باااى . .
يوسف / استنى اوصلك فى طريقى . .
رهف ( و هى نازله تجرى عالسلم ) / ميرسي ميزو و منار مستنينى يلا باااى . .
يوسف / ( بخفوت ) ميزو ااه اهو الاخ دا اللى و اقفلى زى اللقمه فى الزور ماشي يا مازن . .
زينب / بتقول حاجه يا بنى . .
يوسف / لا يا طنط ما بقولش عن اذنك علشان الحق الشركه قبل ما عمه مصطفى يمسكنى ههههه . .
زينب / هههه ماشي يا ابنى ربنا معاك . .
( نزلت رهف ل مازن و منار )
رهف / ماما و اخوك اللى اخرونى اعمل ايه . .
منار / طب يلا بقا احنا كده اتاخرنا . .
مازن/طب يلا مستنيين ايه اركبوا يلا . .
( ركبت رهف بجانب مازن و منار خلف رهف مباشرة و عندما ركبوا عدل مازن مرأة السياره على وجه منار و اصبح ينظر اليها خلسه و لاحظت رهف هذا )
رهف ( بخبث ) / حلوه صح ؟ ؟ . .
مازن ( بدون وعي ) / اوي . . ( فاق من شروده ) ايه اااا . . . ايه دى اللى حلوه . .
رهف ( بخبث ) / العربيه يا مازن مالك امال انت بتقول اوى على ايه . .
( ض*بها مازن بخفه على كتفها )
مازن / حسابي معاكي بعدين يا سوسه انتى و عاملالى فيها هبله ( بقلم سحر جاد ) . .
رهف( بقلش كوميدي ) / دا انا غلباااااااااان . .
مازن / طبعاااا اومااال . .
( و منار بالخلف تضحك على مشا**تهم لبعض . . . وصلوا للجامعه فى وقت دخول لؤى بسيارته )
لؤى / يا جماعه انا امى دعيالى و اكيد حماتى هتحبنى اوى انى اشوف الملايكة و الحلاويات دى من الصبح كده . .
رهف / يا خفه على الصبح . .
مازن / لوووؤى . .
لؤى / ايه يا رمضان بنهزر ما بتهزرش . .
مازن / لا يا اخويا بهزر بس عند دول لا . .
لؤى / ماشي يا مزيكا طب هتفضلوا واقفين ادخلوا انتوا انا عاوز مازن شويه . .
رهف / اشطا يلا يا نوري . .
( و ذهبت رهف و منار الى الداخل و ظل مازن ولؤى )
مازن / فى حاجه ولا ايه . .
لؤى / يا سيدى انا كنت ماشي امبارح صدفه قابلت رهف و منار و رهف كان شكلها متضايق اوى ف اتفقت انا و منار نعمل حاجه تفرحها . .
مازن / و دا لى عاوز تفرحها لى . .
لؤى / مش عارف بس حسيت انى عاوز افرحها . .
مازن ( بعدم اقتناع لكنه وافق لانه يعلم حزن رهف عن ظهر قلب حتى مع ابتسامتها ف هى شقيقته الصغري ) / ماشي هتعمل ايه .
لؤي / امبارح اتكلمت مع منار و قالتلى . . . . . .( فلاش باك )
منار / هنعمل ايه ؟
لؤى / هقولك . . قوليلى الاول ايه اكتر حاجه رهف بتحبها ا**سوريز مثلا دهب فضه الماظ ايه المطاعم او الكافيهات اللى هى بتحب تروحها
منار / ايه ايه حيلك رهف ابسط من كده بكتير
لؤى / ازاى مش فاهم
منار / يعنى رهف كل دا ما يأثرش فيها رهف ب كلمه تقدر تطلعها سابع سما من الفرحه ورده شيكولاته من النوع اللى بتحبه تتمشي عالبحر تروح ملاهى مع غزل بنات و ايس كريم
لؤى / بتهزرى صح
منار / بهزر ايه يابنى رهف طفله اكتر مما تتخيل مش ١٨ سنه لا دى عشر سنين بالكتير
لؤى / بقولك ايه ما تحكيلى اكتر عنها
منار / شكلك رايق انجز قول هنعملها ايه
لؤى / كل اللى قولتى عليه
منار / ازاى مش فاهمه
لؤي / يعنى هنعمل كل اللى قولتى عليه ورد و شيكولاته و ايس كريم وغزل بنات و بحر و ملاهي كله يعنى
منار / و دا ازاى بقا ؟ ؟
لؤي / سيبيها عليا بس
( باك ) . . . . . .
لؤى / هاا ايه رايك
مازن / كلام جميل بس ازاى
لؤي / ايه يا عم فين ايام التخطيط و المغامرات عجزت بدرى ولا ايه
مازن / يا عم انجز بس وقول
لؤى / انجز تانى هو انت و منار متفقين عليا ولا ايه
مازن / لؤي قولتلك ما تجيبش سيرة منار و خف كلام معاها شويه
لؤي / ( بضجك و هزار و عند فى مازن ) اي دا بتغيري يا بيضه
مازن/ لوووؤى
لؤي / لؤي ايه بقا دا انت واقع لشوشتك يا عم
مازن / ( بعصبيه خفيفه ) لؤي اتهد بقا خلينا نشوف هنعمل ايه
لؤي / ههههههههه خلاص خلاص يا عم فاكر انكل مجدى صاحب ابويا و ابوك
مازن / ( بتفكير ) انكل مجدى انكل مجدى ؟ ؟ مش واخد بالى بس متهيألى سمعت الاسم دا قبل كده
لؤي / انت بقيت ممل اوى يابنى من ساعة ما سبت الشله و نجحت
مازن / يعنى كنت عاوزنى افضل فى اولى اربع سنين يا مفترى و بعدينى انت قاعد تتنقل من كليه ل كليه كان الجامعه دى بيتك و بتتنقل فيه
لؤي / ماشي يا عم الدكتور حقك كلها ٣ سنين و تتخرج
مازن / ايوه افضل انت اتكلم كده لحد ما اسقطهم و اقعد جمبك و بعدين شد حيلك دى اخر سنه ليك انت حر لو سقطت تانى هتترفد.
لؤي / ماشي ماشي المهم اسمع هقولك ايه و اعمله تمام . . . .
( نذهب ل رهف و منار داخل المدرج )
منار / انا متحمسه اوى يا رهف نفسي انجح بجد و ابقا صيدلانيه مش مصدقه نفسي
رهف / انا عاوزه بقا الحماس اللى فى عينك دا كمان خمس سنين غير السنه اللى احنا فيها دى و انتى تبقى احسن صيدلانيه فى البلد
منار / عاوزاكى تبقى جمبي دايما و تشجعينى كده و انا هبقا احسن واحده
. . . . ( صوت من خلفهم ) و شجعينى انا كمان خلينى انجح بقا
رهف / انتى ورانا ورانا ما تعتقنا بقا احنا زهقنا علفكره
لؤى / الله مش احنا اتفقنا نبقا صحاب ( بقلم سحر جاد )
رهف / حصل
لؤي / امال في ايه بقا
رهف / رجعت فى كلامى
لؤي / لى هو احنا عيال
رهف / ااه و اسكت بقا زهقتنى
لؤي / تؤ تؤ بصراحه عجبني الموضوع و شكلك بيبقا حلو لما بتضايقي ف بقيت احب ارخم عليكي
رهف / ( بوجه احمر من الغضب ) اوووف
لؤي / ( و هو يحاول تقليدها ) اوووف
منار / ههههههه والله انتوا عيال ايه دا
( مر اليوم و ذهب مازن لاخذ رهف و منار )
مازن / يا هلا يا هلا بالقمر ايه الحلاوه دى ( و هو ينظر ل منار )
رهف / الكلام دا ليا
مازن / هه . . . اماااال ليا يعنى ( مع ض*به خفيفه على كتفها )
رهف / ماشي ماشي هاعمل نفسي مصدقاك
مازن / امشي يا لمضه قدامى
( و ذهبوا لركوب السياره )
مازن / بقولك ي رورو
رهف / ( بمشا**ه ) رورو انا
مازن / امال امي يا اختى هو فى رورو غيرك
رهف / اها فى منار قاعده اهى
مازن / احم . . رهف ( بتحذير و غضب مكتوم من مشا**ة هذه الصغيره ف هو بالاساس يتحمل وجود معذبة قلبه دون محادثتها ب صعوبة يتمنى لو يخبرها بحبه و ينتشلها من بين العالم ل احضانه و لكن يخاف من ان لا تكون تبادله نفس المشاعر )
رهف / خلاص يا اسطا ما تزوقش .
مازن / اسطا . . . والله يا بنتى انت اخرك سواق تا** لسكتى بقا و اسمعينى
رهف / سكتت قول
مازن / ايه رايك فى خروجه حلوه نتجمع انا و انتى ولؤى و منار
رهف / لا ماليش مزاج
منار / لى كده يا روفه بس
رهف / ما انتى عارفه ان مزاجى مش حلو اليومين دول و بعدين بابا تعبان مش عاوزه اخرج
مازن / يا بنتى هنخرج يومين اتنين بس خروجه هتعجبك جدا
منار / وافقي بقا يا رهف احنا ما خرجناش الاجازه دى عاوزين نغير جو
رهف / خلاص سيبونى افكر
مازن / دا الموضوع فيه بحر
رهف / و ملاهى
مازن / و كل حاجه بتحبيها بس وافقي علشان خاطر اخوكى و صاحبتك الغلبانين دول
رهف / طب لؤي ايه دخله
مازن / ما هو اللى عازمنا على الخروجه دى
رهف / افكرررر
منار / رهف انجزى بقا
رهف / خلاص خلاص ماشي هشوف بابا و ارد عليكم
( ذهب كل منهم الى منزله ) . عند مازن . . . .
مازن / ماما . . يا ماما . .
كريمه / ايه يا واد انت فى ايه
مازن / بقولك انا مسافر بكره مع صحابي و رهف
كريمه / ( بامتعاض ) و المزغوده دى جايه معاك تعمل ايه
مازن/ماما لو سمحتى انتى عارفه ان رهف اختى و بعزها زى مريم و نور بالظبط
. . . بتعزها زينا دى واحده معفنه اصلا و مش محترمه
مازن / نوور احترمي نفسك دى بنت عمك و زى اختك
نور / انت اتجننت يا مازن بتزعقلى علشان الجربوعه دى
( هم مازن ل صفع نور ولكن اوقفه صوت والده )
محمد / ( بصوت عالى و عصبيه ) مااازن . . . انت اتجننت انت ازاى تفكر ترفع ايدك على اختك
مازن / بابا دى واحده قليلة الادب بتشتم رهف وبتقل ادبها
محمد / و ايه يعنى ايه اللى حصل ما براحتها
نور / قوله يا بابا اصل بيدافع عنها كأن هى اللى اخته مش انا
مريم / بس ما ينفعش يا نور اللى انتى بتقوليه دا
مازن / ايه يا بابا اللى انت بتقوله دا دى بنت اخوك
محمد / انت مالك انت اقول اللى اقوله انت هتحاسبنى
( فى هذا الوقت دخل يوسف )
يوسف / ايه يا جماعه مالكم صوتكم طالع لى و متجمعين كدا لى
نور / تعالى شوف اخوك بيدافع عن الزفته رهف ازاى
يوسف / ( بعصبيه و صوت عالى ) نووور . . احترمى نفسك
نور / ايواااا الملايكه اتجمعت و انا اللى طلعت الشريرة
كريمه ( بعصبيه ) / هو فى ايه انتوا محموقين على بنت زينب كدا لى
يوسف / ( بعصبيه عارمه ) يووووه مش خلصنا بقا من الموضوع دا انتوا عاوزين ايه ما بترتاحوش ارحمونى
( و تركهم و ذهب من المنزل و خرج خلفه مازن )
مازن / يوسف يا يوسف استني يابنى
يوسف / مازن سيبنى فى حالى انا مش طايق نفسي روح انت
مازن / طب انت متضايق كده لى
يوسف / ( بكذب لانه لا يريد ان يبوح بحبه ل تلك الصغيره ) . . . . انا زهقت من المشاكل يا مازن اللى بينا و بين عمى مصطفى مش عارفين نعيش زى اى عيله طبيعيه ليه
مازن / والله انا زيي زيك بالظبط زهقت من كل المشاكل دى و رهف بتصعب عليا بتزعل على اللى بيحصل في باباها دا و اللى ابوك بيعمله معاها ولا معاملة امك
يوسف / ( بغصه ف هو يتمنى ان ينتشلها من بين الجميع و يمحي كل هذا الحزن من قلبها ) خلاص يا مازن خلاص اسكت و قفل عالموضوع دا
مازن / خلاص خلاص . . . بقولك ايه
يوسف / قول . .
مازن / انا خارج بكره انا و رهف و منار صاحبتها و لؤى ايه رايك تيجي معانا تغير جو
يوسف / لؤي مين دا كمان ؟ ( بقلم سحر جاد )
مازن / لؤي يا يوسف ابن انكل حسين
يوسف / آه و دا ايه دخله بالخروجه دى يجي معاكم لى
مازن / ما هو اللى جاب الفكره اصلا .
يوسف / مش فاهم و قال الفكره دى لى . .
مازن / علشان لقي ان رهف نفسيتها مش تمام ف اقترح الفكره و قالى و ظبط كل حاجه . .
يوسف / ( بغيره يحاول مداراتها ) امممممم لقي رهف . . نفسيتها تعبانه امممممم ماشي يا مازن انا جاي معاكو ما هى اختى برضه احاول افرحها شويه . .
مازن / اشطا . .
يوسف / هتخرجوا امته . .
مازن / الصبح بدرى علشان نلحق اليوم من اوله . .
يوسف / تمام اما نشوف .
مازن / اكيد اكيد هتنبسط معانا و تغير جو انت كمان .
. . . . . . . . . . . . . . . . . . . . . . . . . . . . . . . .
. . ( عند رهف ) . . . . . . . . . . . . . .
رهف / ماما يا ماما يا زوزوووووو . . .
زينب / ايه يا بت مالك بتزعقي لي . . .
رهف / الله يا ماميتى مش بنده عليكي كتير و مش بتردى . .
زينب / تقومي تزعقي كده الجيران هتشتكي منك قريب . .
رهف / جيران مين بس مفيش غير طنط كريمه ام اربعه و اربعين و نور الحربايه و عمه محمد الله يسامحه . . .
زينب / عيب يا بنت دى مرات عمك و نور دى اختك .
رهف / و الله ما جايبنا ورا غير طيبة قلبك دى يا زوزا . .
زينب / ماشي يا ام نص ل**ن اما اشوف اخرتها قولى كنتى عاوزه ايه . .
رهف / بابا جه من الشغل ولا لسه . .
زينب / جه و قاعد فى المكتب مستنيكي علشان نتغدا . . .
رهف / اشطات هروحله اصلى عاوزاه فى موضوع سررررر . . .
زينب / سر برده بعيد عنى . . .
رهف / ( بمشا**ه ) دا انت بير الاسرار يا جميل انت . . .
زينب / ( و هى تلوي فمها مدعية الزعل ) ماشي ماشي كلي بعقلي حلاوه ياختى . . .
رهف / يا زوزه دا انتى قلبي . . .
زينب / طب يلا يا بكاشه روحي شوفى باباكى و يلا علشان الغدا . . .
رهف / اشطات ( و ذهبت مسرعه ل والدها ) . .
زينب ( و هى تحدث نفسها ) / سواقة توكتوك ياربي سواقة توكتوك انا عارفه . .
(خبطت رهف على الباب طق . . طق . . طق . . . . . )
مصطفي / ادخلى يا حبيبة بابا . .
رهف / ايه دا عرفت ازاى ان انا لى ما قولتش ان ماما اللى بتخبط . .
مصطفى / يا بت انتى بنتى بحس بيكى علطول . .
رهف / ماشي يا سيدي هاعمل نفسي مصدقه بعيدا عن انك سامعنى و انا جايه اجري و وقفت قدام الباب جامد . . .
مصطفى / مش هتبطلى لماضه ابدا . .
رهف / تؤ تؤ يا بابيتى . .
مصطفي / ماشي يا قرده . . . كنتى عاوزه حاجه ؟ .
رهف/بصراحه كنت عاوزه اطلب طلب صغنون قد كدا ( مع حركة طفوليه بيدها ) . .
مصطفي / امممم صغنون صغنون ولا الع** . .
رهف / بص هو مش صغنون و مش كبير او كبير . . ( بلخبطه و حركة عشوائيه بيدها ) بص هو طلب و خلاص . .
مصطفى / ( بضحك على حركات صغيرته الوحيده ) هههههههه قولى يا قرده عاوزه ايه . .
رهف / ( و هى تحكى بسرعه ) مازن و منار و لؤي طالعين رحله و عاوزينى معاهم .
مصطفي / ايه حيلك حيلك اتكلمى بالراحه ما فهمتش حاجه . . .
رهف / ( ببطئ شديد ) مازن . . و منار . . و لؤي طالعين رحله و عاوزينى معاهم . .
مصطفي / لؤي ابن حسين صاحبي ؟ . .
رهف / ااه هو . .
مصطفى / ( بخوف و غضب مكتوم ف هو لا يحب هذا الشاب ) و انتى عرفتيه منين انا عمرى ما عرفتك عليه ؟ . .
رهف / ما هو بصراحه يا بابا انا اتعرفت عليه بالصدفه فى الجامعه و كان مازن جايلى ف عرفنى انه ابن انكل حسين انا ما كنتش اعرفه . .
مصطفي/بس انا مش برتاح للولد دا . .
رهف / انا اصلا ماليش دعوه بيه يا بابا و لما بيكلمنى بصده انا خارجه معاهم علشان مازن و منار الحو عليا بس . .
مصطفي / ماشي يا رهف انتى عارفه انى ما بحبش ارفضلك طلب بس تخلى بالك من نفسك و طالما مازن معاكى انا هبقا مطمن عليكى . .
( و فى اليوم التالى و تحديدا فى الصباااح الباكر . . . . . . . . . . ) ( بقلم سحر جاد ) . .
. . . . . . . . . . . . . . . . . . . . . . . . . . . . . .
يتبع . . . . . . . . . . .
امممم ليه لؤي بيعمل كل دا علشان رهف و لي مصطفى والد رهف مش بيرتاح ل لؤي
هنعرف الفصول الجايه . . . . . . . . . . . . . . . . . . . . . . . .
- Writer
