Hindi akalain ni Elara na makakatulog siya ng mahimbing gayong katabi niya si Clifford. Akala niya, hindi siya makakatulog ng maayos ngunit nagkamali siya. Iyon na yata ang pinakamahaba niyang tulog ng walang gising-gising. Dire-diretso ang naging tulog niya. Tumingin siya sa orasan. Alas nuebe na ng umaga. Madalas siyang nagigising ng ala sais ng umaga at hirap ng makatulog pabalik. Minsan nagigising siya ng madaling araw at nahihirapan makabalik sa pagtulog hanggang sa papasok na lang siya sa trabaho.
"Hmmm.... mamaya ka na bumangon. Sleep muna tayo saglit," ani Clifford nang magising ito dahil akmang babangon na si Elara sa kama.
Saglit siyang napatitig kay Clifford bago ito hinampas sa braso. "Sira ka. Anong oras na. Alas nuebe na ng umaga. Patay ako nito! Late na ako sa work!"
"Ayo
