Tulala si Elara habang iniisip ang sinabi ni Clifford sa kaniya. Imbes tuloy na matulog siya, ginugulo ni Clifford ang kaniyang isipan. Kanina pa siya paiba-iba ng posisyon sa kama pero hindi pa rin siya dinadalaw ng antok. At naiinis siya sa binata dahil doon.
'Ano ba ang eksena ng lalaking iyon? Ganiyan ba talaga kapag lasing? Maraming sinasabi na wala namang kabuluhan? Bakit niya sinabi iyon? May balak ba siyang gustuhin ako? Tsk! Sinungaling! Balak niya lang akong idagdag sa mga koleksyon niya! Letse siya!'
Bumuga ng hangin si Elara bago kinuha ang unan sa kaniyang tabi at saka itinabon sa kaniyang mukha. Pinikit niya ang kaniyang mata at sinubukang pakalmahin ang isip ngunit hindi niya talaga magawa. Nahihirapan siyang alisin ang binata sa kaniyang isipan. Kaya bumangon siya at saka
