Tila nanlambot ang kalamnan ni Elara sa sinabi ni Clifford. Nawala siya sa wisyo at hindi napansing nasa loob na pala siya ng bahay. Inihanda na ni Clifford ang dala niyang pagkain para sa kanilang hapunan. Habang si Elara ay nakatingin lamang sa binata.
"Magbihis ka na. Ako na ang mag-aasikaso ng pagkain atin," malambing ang tinig ni Clifford nang sabihin niya iyon.
Napaisip si Elara. Nagtataka siya kung bakit biglang nag-iba ang kilos ni Clifford. At naging mahinahon at madalas na malambing pa ang tinig nito. Hindi kagaya noong una silang magkausap. Mayabang at mapang-asar si Clifford sa kaniya. Pero ngayon, pinagsisilbihan pa siya ng binata na parang nobya siya nito.
Naiinis siya.
Naiinis siya na kinikilig.
'Gaano ba ako kahalaga sa lalaking ito para maging ganito ang trato niya sa
