Humanap muna ng matutuluyan ang dalawa dahil nasa kalahati na rin ang naging byahe nila patungong Baguio. Kinikilig si Elara sa ganda ng unit na nirentahan nila upang pagpahingahan. Maganda ang tanawin mula sa labas ng bintana. Ngayon lamang makagagala ng ganoon si Elara at masasabi niyang ang sarap pala sa pakiramdam. Lalo na kapag ang kasama mong gumala ay ang taong mahal mo.
"Are you happy? Malapit na tayo. Kaunting byahe na lang. Pero syempre, ayos lang kahit huwag tayong magmadali papunta doon dahil mahaba pa naman ang araw," wika ni Clifford sabay yakap kay Elara mula sa likod.
Humugot ng malalim na paghinga si Elara bago ngumiti ng matamis. Habang yakap siya ni Clifford, pakiramdam niya ligtas siya. Na para bang walang sinuman ang magagawa siyang saktan dahil nandiyan sa kanilang
