Matamlay na pumasok sa trabaho si Elara dahil iniisip niya ang kaniyang ate Cara. Kahit na may hindi sila pagkakaunawaan, hindi naman siya ganoon kabastos para pabayaan ang kaniyang trabaho. Kaya naman maaga pa rin siyang pumasok sa trabaho. Siya naman ang mag-isa sa store na iyon dahil si Dahlia naman ang wala. Nakaramdam siya ng pagkaburyo dahil walang masyadong pumapasok na tao sa kanilang store at isa pa, parang wala siyang ganang magtrabaho ngayong araw.
"Elara, ayos ka lang ba?"
Napatingin si Elara kay Sean na pumasok sa loob ng store na iyon. Lumapit ang binata sa kaniya at saka siya nginitian. Pekeng ngumiti na lamang din siya at saka tumango.
"Oo ayos lang ako. Bakit ka nga ba nandito? May bibilhin ka ba?"
Umiling si Sean. "Wala lang. Gusto lang kitang makita dahil bigla kitan
