Isang buwan ang lumipas, sinubukang makipag-usap nina Everson at Samira kay Samuel upang humingi ng tawad pero bigo silang gawin iyon. Hindi nila ito ma-contact. Hindi rin nila ito mahagilap. Kinabahan tuloy si Everson dahil nag-aalala siya sa kanyang kaibigan. May inutusan na nga siya para alamin kung nasaan si Samuel.
"Kumusta iyong inutusan mong tao? May sagot na ba sa tanong mo? Alam mo na kung nasaan si Samuel?" wika ni Martin na kararating lang.
Umiling si Everson sabay bagsak ng balikat. "Hindi pa nga eh. Hindi ko tuloy mapigilang mag- alala kay Samuel. Gusto kong humingi ng tawad sa kanya. Kaming dalawa ni Samira."
Tumikhim si Martin. "Alam ko kung nasaan siya ngayon. Tumawag siya sa akin kagabi."
Namilog ang mata ni Everson. "Talaga? Anong sabi niya?"
"Ang sabi niya sa akin,
