Episode 9
Agad na pinabalik ni Mrs. Saavedra ang lahat sa kanikanilang gawain. Napatingin ako sa kapeng inilapag ni Cludette sa desk ko. Eto ‘yung kapeng ginawa niya para kay Leroy na hindi naman tinanggap ng Ceo. Natawa ko ng pagak and she hissed kaya napatingin ako rito. Nakataas ang kilay niya at parang naaasar sa akin.
Nasa likod naman nito si Mrs. Saavedra na lumapit rin sa akin. Sumilip pa ito sa pinto upang tingnan kung nandoon pa ang CEO o wala na. "Anna, anong sinabi sa iyo ng Ceo?”
“Wala naman po, hindi importante.”
“Imposibleng hindi importante ‘yon kung CEO mismo ang nagsadya sa ‘yo rito.” Ani Cludette.
“Tama siya, Anna.”
“Wala po talaga, ma’am,”
“Umamin ka nga sa akin, Anna, Nagsumbong ka ba na hindi ako malimit pumunta rito at lagi ikaw ang gumagawa ng aking gawain?"
