الفصل الثالث
2501 Words
الفصل 3
كان يجلس في المكتب مهموم البال لا يعرف ماذا سيفعل دخل عليه صديقه معتز .
معتز .. ايه يا بني جيت الشركه ومعدتش عليا و امبارح خرجت من بدري ومرجعتش تاني .
يوسف .. عادي يا معتز حبيت اروح ارتاح شويه .
معتز .. مالك يا صاحبي فيك ايه .
يوسف .. مفيش .
معتز .. هتخبي عليا انا .
يوسف .. معتز ممكن تسبني لوحدي شويه .
معتز .. لا طبعا مينفعش اسيبك وانت في الحاله ديه .
يوسف بعصبيه .. معتز قولتلك سبني لوحدي شويه ا .....
توقف يوسف عندما شعر بألم شديد يجتاح رأسه امسك يوسف رأسه بشده وظهرت عليه علامات الألم ركض نحوه معتز .
معتز .. مالك يا يوسف فيك ايه .
يوسف .. افتح الدرج بسرعه طلع علبة الدواء اللي فيه .
اخرج معتز الدواء واعطي ليوسف منه .
يوسف .. اخرج برا يا معتز وانا هبقا كويس .
معتز .. بس .
يوسف .. مفيش بس ارجوك اخرج انا تعبان ومش قادر اكلم .
خرج معتز وهو لا يعرف ما هذه الحاله التي وصل إليها صديقه .
عند جميله .
كانت تجلس في مكتبها دخلت عليها طفله صغيره مبتسمه ومعاها والدتها التي يظهر عليها معالم القلق والحزن .
جميله .. ازيك يا قمر .
نظرت اليها الصغيره وابتسمت .. الحمد لله .
جميله .. بتشتكي من ايه يا حبيبتي .
الطفله .. معرفش .. ماما جابتني هنا ليه .
نظرت جميله الي والدة هذه الطفله بتسأل .
المراءه .. بنتي اغمي عليها في يوم بدون اي سبب حبيت اطمن عليها وخدتها تكشف الدكتور طلب مني تحاليل واشاعات وبعدها اكتشفت انها عندها سرطان في الدم للحظه حسيت ان الدنيا كلها وقفت ومبقتش عارفه اتصرف ازاي واروح فين واجي منين انا لوحدي انا وهي ملناش حد في الدنيا ديه هعمل ايه .. الدكتور رشحك ليا وقالي اجيلك وانك هتساعديني .
ابتسمت جميله بحزن .. ان شاء الله خير ممكن توريني الاشاعات .
اخذت جميله من هذه المراءه الاشاعات ونظرت بها وجدت ان الطفله مازل الكانسر في المرحله الأولي وممكن التعافي منه .
جميله .. اطمني الكانسر في المرحله الاولي ونسبه الشفاء منه كبيره احنا هنجهزلها غرفه من بكره وهتبدا من بكره العلاج اهم حاجه نفسية البنت تكون كويسه والاكل يكون اكل صحي جدا وهكتبلك علي شويه تعلميات هتمشي عليهم في خلال فتره العلاج .
المراءه .. طيب هي شعرها هيقع .
نظرت لها جميله باسف .. اكيد لازم تجهزي نفسك ل دا .
نظرت المراءه لابنتها باسف .
جميله .. تعالي يا قموره .
اقتربت منها الطفله .
جميله .. اسمك ايه .
الطفله .. اسمي نور .
جميله .. اسمك جميل اووي وانا اسمي جميله .
نور .. وانتي كمان اسمك جميل اووي يا جميله وانتي جميله اووي .
جميله .. شكرا .. ديه شوكلاته علشان انتي قمر و قويه وهتقدري تخفي بسرعه .
نور .. هو انا هموت .
جميله .. لا يا حبيبتي مش هتموتي هتخفي وهتبقي زي الفل بس هتسمعي الكلام علشان تخفي .
نور .. حاضر .
خرجت المراءه وتركت جميله تتذكر طفولتها .
فلاش باك .
خرج عصام من عند نرمين وهو عازم انه هيشرح لفرح كل حاجه بتفصيل .
في بيت فرح .
اندفعت جميله نحو والدتها واحتضنتها .
جميله .. مامي انتي بتعيطي .
فرح ببتسامه حزينه .. لا يا قلب مامي .
جميله ببراءة .. طيب ليه الدموع ديه ممكن مش تعيطي يا مامي .
تحدثت فرح وهي تمسح دموعها .. اهو خلاص مش هعيط .
قبلتها جميله .
دخل عصام الي البيت ونظر الي فرح التي كانت تنظر له بعتاب والم .
عصام .. جميله تعالي يا حبيبتي .
تقدمت جميله منه وهي صامته وعابسه .
عصام بحنيه .. جميلتي مالها ايه اللي مزعلها وانا اقطعه .
جميله .. انت اللي مزعلني ومخمصاك علي فكرة .
قبلها عصام .. طيب وانا مقدرش علي زعل جميلتي خودي الفلوس ديه وروحي هاتي ليكي غزل البنات .
جميله ... هيييييييه يعيش بابا يعيش .
واخذت الأموال واندفعت الي الخارج .
عصام .. فرح ممكن نقعد نكلم شويه .
فرح .. انا هسالك سؤال وترد عليا .
هز عصام رأسه .
فرح .. انت .. انت مجوز عليا .
**ت عصام ولم يجب .
فرح بدموع .. لا رد عليا رد عليا وقولي ان دا مقلب قولي ان ديه واحده بتضحك عليا وعايزة توقع بنا .
ظل عصام علي **ته
فرح بنهيار .. ليه تعمل فيا كدا ليه انا عملتلك ايه يا اخي .
عصام .. حرمتيني من اني اكون اب تاني حرمتيني انى يكون عندى ولد يسندنى ويكون ضهر ليا ق*فت منك ومن مرضك إللى كان السبب فى كل دا .
فى هذا الوقت دلفت جميله الى داخل وهى تاكل غزل البنات تجري نحو والدتها لكن توقفت حين سمعت صوت صراخ والدها علي والدتها .
كانت فرح مصدومه هل هذا هو زوجها اين حبه لها .
اكمل عصام بزعيق .. بتساليني ليه اجوزت عليكي علشان لقيت فيها إللى ملقتهوش فيكى لقيت الحاجه إللى نقصت عندك قدرت هى تكملها هى ديه إللى هتخلف وهتجبلي الولد إللى بحلم بيه وخلاص آخر الاسبوع هعمل فرحى عليها علشان الكل يعرف انها مراتى وأنها حامل منى .
فرح والدة جميله ببكاء .. وانا ذنبي ايه المرض دا ابتلاء من عند ربنا كان غصب عني وانت نفسك كونت راضي كونت موافق ايه اللي غيرك فين حبنا اللي كونت بتقول مفيش حاجه ابدا هتوقفه فين فرحتك ببنتك وقولت ان هي كفايه عن أي حاجه ايه اللي غيرك .
عصام بصريخ .. حب ايه اللي بتقولي عليه الحب في زمن دا خلص خلاص وبعدين اللي غيرني شوفت اني لازم اعيش حياتي واجيب الولد اللي نفسي فيه ليه احرم نفسي مع واحده بقت ارض بور خلاص ومفيش منها اي فايدة .
اقتربت منه فرح ببكاء ونزلت تبوس يديه .. ارجوك متعملش فيا كدا ليه تجرحني وتظلمني بطريقه ديه ليه طلقها وارجع تاني لينا ارجع للفرحه والسعادة اللي كانت في حياتنا وانا هنسي كل الكلام دا وهعتبره انه كابوس وخلص خلاص .
زقها عصام بعيدا عنه ... لا يا فرح لازم تفوقي دا مش كابوس دا حقيقه وبكرا تشوفيها معايا واقفه جمبي فى الكوشه .
وتركها وخرج من البيت .
انتهي الفلاش باك .
بكت جميله وهي تتذكر مرض والدتها .
عند يامن فى الفيلا استقيظ على يد تتحرك علي شعره .
يامن وهو يبعد يد والدته من على وجهه .. نعم عايزة ايه ؟
كوثر بحزن من اسلوبها .. عايزة ابني يرجعلي تاني .
يامن بسخريه .. كان زمان يا كوثر هانم .
كوثر بدموع .. يامن انا عارفة اني غلطت بس انا كان لازم اعمل كدا انا مره واحده بقيت الام والاب ابوك بعد ما طلقني راح اتجوز واحده تانيه ونسينا وبقيت انا إللى بشتغل وبصرف على البيت علشان ابين انى مش محتاجه ليه ايوة انا غلطت بس انا حبه اصلح كل حاجه بنا ونرجع زي زمان .
يامن بسخريه .. زمان . .زمان دا إللى هو ايه إللى انتي كونتي سيباني فيه لدادة ..... زمان دا إللى كونتي شغله نفسك اذا البيه جوزك بي**نك ولا لا؟ ؟ ! ...... زمان دا إللى كونت لما اجي اكلمك او احكيلك عن حاجه كونتي تسبيني وتمشي وتقوليلى مش فاضيه دلوقتى يا يامن لما ابقا ارجعلك وياريتك بترجعي تقعدي معايا لا بترجعي تشوفي جوزك جه ولا لا عمل ايه مشي مع مين انما انا اخر اهتمامتك أو ممكن اصلا مكونش اي حاجه بنسبالك .
كوثر بدموع .. ارجوك يا يامن كفايه كفايه .
يامن .. انتي إللى خلتيني اتكلم ياريت تسيبيني فى حالى بقا .
كوثر .. بس انت حالى ازاى اسيبك .
يامن بسخريه .. زي ما سيبتيني زمان .
كوثر .. انا امك يا يامن .
يامن بحده .. امي ماتت من زمان اتفضلي يلا برا .
خرجت كوثر ودموعها على وجنتها وقلبها م**ور على ابنها الذي وللأسف ضاع منها للأبد ." أُصارع الماضي والذكريات لكى أُسامحكِ.....لكن فى كل مرة هما ينتصران عليَّ......ندمك اصبح لا يعنى لي شيئا فأنتى من تركتينى برغبتكِ......ليتنى أستطيع أن أُسامحكِ "
عند ندى وليان نزلا وذهبا إلي المول ليشتروا ملابس للجمعيه ويشتروا أشياء للفيلا وللحفل غدًا .
ليان .. بصي علشان نلحق نخلص انتى هاتى الهدوم وكل المستلازمات إللى هتحتاجها الجمعيه وانا هجيب مستلازمات الفيلا ونتقابل فى مطعم .
ندى .. تمام .
بدأت ندى تشتري الملابس على أساس المقاسات التي أخذتها من مديرة الجمعيه ..
ودخلت إلي محل ملابس رجالى لتشتري مستلازمات الأطفال والرجال الذين هناك .
وهى في طريقها للدخول اصتدمت بشخص ما ..
ندى وهى ترفع رأسها .. انا اس....
جاسم .. انتى تانى ؟ ! ! ! ! ندى بغضب .. انت بتراقبنى ولا ايه ؟ ؟ !
جاسم بسخريه .. وانا هراقب واحده زيك ليه من جمالك ؟ ؟
ندى بغضب وتحذير .. بقولك ايه اتعدل بدل ما انا اعرف ازاى اعدلك .
جاسم بعصبيه .. مين ديه إللى تعدلنى انتى شايفه نفسك على ايه يا بت انتى انا اقدر اعرفك مقامك بس انا بقول بردو اسمك بنت وبلاش سمعتك تبوظ .
ندى بعصبيه .. انت شايف نفسك على ايه غور يلا من هنا مش ناقصه ق*ف هى .
وتركته وقبل أن تدخل إلي المحل سمعته وهو يقول .
جاسم بسخريه .. انا قولت راجل مسمعتيش كلامى اخرك داخله تشتري من محل رجاله صح هو دا مقامك وتركها وغادر المكان .
نزلت دمعه من ندى .
ندى لنفسها .. اوعى تسمحي لحد تانى يجرحك اوعى تنزلى دمعه علشان شخص ميستهلش وقليل الذوق رأيه مش مهم فى حاجه طول ما انتى واثقه من نفسك .
مسحت دموعها ودخلت المحل اشترت كل ما كانت تحتاج إليه .
بعد فترة كانت ليان جالسة تنتظر ندى سمعت صوت الشخص الذى لا يغادر تفكيرها التفتت ليان ورأته لثانى مرة وهو يستند على عصاه التى ترشده للأماكن ومعه نفس الشخص الذى كان معه فى النادى كانت ليان تراقب كل حركه من يامن وكل تعبير يظهر علي وجهه .
عند يامن وجاسم
جاسم .. بس يا سيدي دا كل إللى حصل معرفش ليه كل شويه تطلعلى .
يامن بعصبيه .. وانت فرحان على إللى عملتوا فى البنت انت جرحتها حتى لو هى اتكلمت معاك بقله ذوق فانت مش من الذوق انك تجرحها وتجرح أنوثتها حتى لو هى مش حلوة متقولهاش كدا . . . .
جاسم بحده .. بس يا يامن هى إللى ل**نها طويل وانا مش اى حد انا ظابط شرطه يعني ليا مركزى ومينفعش تقل ادبها عليا .
يامن .. مفيش سبب ممكن يخلينى اقف معاك انت إللى محترمتهاش ولازم تعتذرلها مفهوم يا جاسم .
جاسم .. بس .. .. ..
يامن بحده .. مفيش بس هتروح تعتذرلها مفهوم؟ ؟ !
جاسم .. حاضر فك بقا التكشيرة ديه .
يامن .. اهو فكيتها .
جاسم .. لا مش كدا عايز اشوف ابتسامتك الحلوة .
ابتسم يامن ابتسامه جعلته أكثر وسامه وجمالعند ليان كانت سرحانه فى ابتسامته التي أخذت عقلها وجعلت قلبها ينبض بشكل سريع .
فجأة وجدت من يض*بها على رأسها..
ليان .. ااااه .
ندى .. الهانم سرحانه ولا حست انى جيت واقعدت معاها .
ليان .. معلش يا ستى المهم جبتى كل حاجه .
ندى بحزن .. اة .
ليان .. مالك ؟ ؟ !
ندى .. اصل حصل .. .. .. ..
ليان بعصبيه .. دا انسان قليل الذوق ومش محترم ومش متربي و .. ..
جاسم .. وايه تاني يا انسه ؟ ؟
شهقت ليان بفزع .. انت مين ؟ ! !
جاسم .. انا الشخص اللي قليل الادب وقليل الذوق ومش متربي .
ليان بإحراج .. انا اسفه .
جاسم .. لا ولا يهمك .
هنا لاحظت ليان وجود يامن بجانب جاسم ويظهر على ملامحه الجديه .
جاسم وهو ينظر لندي .. انسه ....
ندى بعصبيه .. اسمي ندي .
جاسم .. ماشي انسه ندي انا كونت عايز اعتذر منك مكنش قصدي إللى انا قولتوا بس انتي إللى استفزتيني .
ندي بعصبيه .. انا بردو ؟ ! !! !! !!
جاسم بحده .. ايوة انتي اومال هكون انا ؟؟
ندي بعصبيه .. لا واحد من الشارع .
يامن .. بس منك ليها وبعدين يا جاسم احنا مش جاين نتخانق انت جاي تعتذر وانتي يا انسه ندي بلاش نكبر الموضوع هو حس بغلطوا وجاي يعتذر .
جاسم .. عموما انا اسف يا انسه ندي .
ندي .. وانا كمان اسفه يا استاذ .
جاسم ببتسامه .. اسمي جاسم .
ندي .. تمام .
جاسم .. اتشرفت بمعرفتك .
ندى ببرود .. انا لا .
جاسم اتعصب وبص ليامن .
ندي ضحكت .. بهزر والله .
جاسم بصلها بإعجاب لضحكتها.
لاحظت ندي هذا وشعرت بالإحراج . . .
يامن .. بعد اذنكم نستأذن احنا .
ليان .. اتفضلوا .
دق قلب يامن عندما سمع صوت ليان لكن التفت وغادر وجاسم معه أيضًا .
جاسم .. بقولك فى سهره حلوة انهاردة وفيها شويه بنات مزززز يعنى ما تيجي معايا .
يامن بهدوء .. امتى ربنا يتوب عليك من الق*ف دا ؟ ؟ !
جاسم .. ما تيجي يا عم تعشيلك يومين .
يامن .. لا روح انت يا جاسم انت حر فى نفسك انا مش مستعد انى اغضب ربنا .
جاسم .. ماشي انت حر بس انت إللى خسران على فكرة .
يامن .. ماشي .عند ندى وليان
ندى .. شوفتى اعتذرلى ازاى بس بردو انا مش هنسي إللى عملوا .
ليان .. لا يا ندى كدا غلط هو جه واعتذر منك يبقا تسامحى .
ندى .. مش سهل اسامحه انا لازم اهين رجولته زى ما أهانى .
ليان بطيبه .. لا يا ندى ربنا بيسامح احنا إللى بشر مش هنسامح ؟ ؟ !
ندى .. انتى قولتى ربنا وانا مش من سهل انى اسامح وانسي .
ليان .. وانا مش بقولك تنسي بس لازم تسامحى طالما اعتذر .
ندى .. خلاص يا ليان نتكلم فى الموضوع دا بعدين .
ليان .. ماشي يلا قومى علشان تعدى على الجمعيه تديهم اللبس دا وانا هروح ابدا فى تجهيز الفيلا واشوف مهندسين الد*كور ظبطوا ايه بظبط . . .
ندى .. اشطا .
غادرت ليان وندى وكل واحده ذهبت المكان الذي من المفترض أن تبدأ فى تجهيزه . . . .
دخلت ليان غرفتها ونظرت إلي السماء لنجمة عالية جدااااا وتلمع بشدة . . .
ليان بدموع .. وحشتينى اووى يا ماما كان نفسي تكونى موجودة الفترة ديه بذات واجى كل يوم اترمى فى حضنك واحكيلك إللى عملتوا .. ... ... بفرح جدا لما بساعد الناس زي ما كونتى انتى بتعملى بس أوقات بحس ان طيبتي الزيادة ديه مش حلوة بس انا مش هتغير لان انا صح لازم كلنا نبقا كدا .
بعد فترة دخلت ليان ونامت فى السرير وبدأت تتذكر يامن ببتسامته .... نظرة عيناه ..... ملامحه .... شياكته طردت الأفكار من رأسها ونامت بسلام ..
فى مكان أخر ....
م .. هاااا فى جديد فى موضوع القضيه ؟!
جاسم .. يعني لسه مفيش اخبار غير اننا متابعين كل حاجه بس مفيش دليل .
م .. مش عايز غلط فى القضيه ديه بذات .
جاسم .. تمام ان شاء الله .
م .. ماشي لما نشوف .
تاني يوم الصبح صحيت ليان وكلمت ندى . . .
ليان .. الو يا ندى لسه نايمه .
ندى .. لا صحيت اهو وهنزل اروح الجمعيه اجبهم معايا ونيجي على عندك .
ليان .. تمام وانا هقوم اجهز .
أغلقتت ليان مع ندى الخط وقامت وبدأت تتجهز أخرجت فستان من اللون الروز ووضعت لمسة من "الميك أب" رقيق جدا وتركت لشعرها العنان .
وعندما سمعت صوت الاتوبيس التابع للجمعيه نزلت ليان واستقبلتهم وبدأت الاغانى وبعض منهم بدأ يرقص مع ندى بجنون .
والأطفال اخذوا يلعبون فى الأماكن التي خصصتها ليان لهم
والشباب جعلتهم يجلسون ويلعبون بعض الأل**ب الذين يحبونها بطريقه مناسبة لهم .
كانت ليان منشغله بكل تفاصيل الحفل وكانت مهتمه بالجميع .
انتهي البارت .
اتمني اعرف رأيكم وتوقعتكم في اللي جاي .
رواية / جميله .
للكاتبه / اسراء محمود .
- Writer
