Five months.
Limang buwan mula nang mangyari ang insidenteng muntik nang kumitil sa buhay ni Owen Van Amstel. Limang buwan ng operasyon. Gamutan, rehabilitation, physical therapy, memory therapy at limang buwan ding halos mabaliw ang buong Silver City sa kakabantay sa kanya.
Sa kabutihang-palad... Buhay siya. Nakakalakad na ulit, nakakapagsalita, nakakatawa pa rin at nakakainis pa rin. Ayon kay Hades, ibig sabihin noon ay successful ang recovery. Ang problema lang? May malaking bahagi ng alaala niya ang nawala. Eksaktong walong taon. Parang may nagbura ng buong chapter ng buhay niya. Ang huli niyang malinaw na naaalala ay ang unang taon niya bilang bagong recruit ng Silver City. Dalawampu't dalawang taong gulang.
Mas idealistic, mas immature at wala pang masyadong trauma sa buhay. Pagka
