NYX
“Okay lang naman kahit hugis puso itong kanin ‘di ba? Hindi naman siguro iisipin ni Priam na nagpapa-cute ako sa kanya…”
Ngiting-ngiti ako habang nakatingin sa platings na ginawa ko. Masyadong simple itong pritong itlog kaya dapat ay bumawi na lang ako sa platings! Tutal ay parang marami akong idea sa magagandang platings ng mga pagkain dahil parang natural na natural sa akin ang ginagawa kong pag-aayos kanina.
“Hindi kaya chef talaga ako dati?” Kumunot ang noo ko habang iniisip kung ano talaga ang trabaho ko bago ko nakalimutan ang nakaraan ko.
May chef bang hindi marunong magluto, Nyx?
Napangiwi ako at agad na binawi ang nasa isip ko. Siguro naman ay kahit na nakalimot ako sa nakaraan ay marunong pa rin akong magluto kung talagang iyon ang palagi kong ginagawa dati. Mas kumbinsi
