NYX
Dahil sa ginawa ni Rouie sa babaeng pumasok sa opisina ni Priam ay mas mukhang naging iritado siya sa akin!
“Bakit ba parang kasalanan ko na maldita yung anak niya? Siya naman ang nagpalaki!” Bubulong-bulong ako habang papasok sa dining area.
Narinig kong tumawa ang isa sa mga helper nila na mukhang narinig ang sinabi ko. Kahit ang matandang sumalubong sa akin kanina ay halatang natatawa pero nagpipigil lang!
“Sino po ba yung babaeng nilagyan ni Rouie ng slime sa buhok?” Hindi ko na napigilang usisa. Base sa ekspresyon at pakikitungo ni Priam sa kanya kanina ay mukhang hindi lang basta-basta ang babaeng yon!
“Si Atty. Miranda ba?” tanong ng matanda. Kumunot ang noo ko. So, abogada pala ang babaeng yon!
“Isa sa mga magagaling na abogado sa law firm nila yon, Hija. Gustong-gusto si
