حياة مطلقة

الفصل ٤٦

انا عندي ٣٩ سنة وزوجي ٤٠ وعندنا 4 أبناء

اتجوزنا من ١٤ سنة بالأصول وتعارف بوسطاء خير ، وحبينا بعض جامد جدااا

أزمــتي إن ماما كانت غلبانه وبابا وجدتي ام بابا اللى هى حماتها يعنى كانوا بيتعصبوا عليها كتير قوي، وكان عندى قناعة انى لا يمكن أعيش مقهورة زي أمي

زوجي خطبني و أكرمني قوي بالهدايا و بالشبكة والمؤخر والقايمة ، ضعف كل اللى طلبته، الضعف حرفيآ كان بيجيبهولي..

ولما اتجوزته لقيت انه كريم اوى لدرجة الإسراف ويقولي كده أفضل من البخل ، وكمان من مميزاته انه طيب ، وشيك قوي ، ومنظم جداً ، ونضيف فوق الوصف ، بروح شغلي في المدرسة أرجع ألاقيه مروق البيت أفضل مني وحتى السلم كانسه ومش سايب اى حاجه تتعمل، ورومانسي ، ومتدين جداً ، وملتحي لحية خفيفة ، ومالوش في الأكل ، أقل حاجة تمشيه عمره ما عمل مشكله عليه ، وعمره ما منعني من زيارة أهلي باليومين والتلاته والأربعة

حتى مرتبي من الشغل عمره ما أخد منه حا