الفصل ٤٢
انا متجوزة بقالي ١٠ شهور والنهاردة طلبت الطلاق.. يمكن المدة اللى قضيتها فى جوازى قصيرة اوى لدرجة ان الناس اللى هتشوف كده هتقول وليه تتطلقي بالسرعة دى مهما كانت المشاكل ممكن تقدري تحليها ومن غير ما تنهي حياة لسه يا دوب بتبتدى، بس يمكن لما تعرفوا اللى حصل ليا تعذرونى وتقدروا موقفى بل ممكن كمان تشجعونى على قراري وتساندونى فيه أولآ وقبل ما احكي بس عندى رساله حابة أوجهها للشباب، بالله عليكم لو كنتم بتحبو وانفصلتو عن اللي بتحبوها لاي سبب اوعو اوعو تتجوزو وقلبكم لسه متعلق بيها لان هتبهدلو معاكم واحدة ملهاش اى ذنب ف اي حاجه... وده اللي حصل معايا انا اتجوزت صاحب جوز اختي الانتيم هو اللي جابهولي كانو زملاء ف صيدله بحكم انهم دكاترة صيدلانين. فلما اتقدم ليا اهلي كلهم فرحو بيه وانا كمان فرحت زيهم بس انا افتكرت ان من كام سنه اختي وجوزها كانو قالو انه كان بيحب واحده زميلته واتقدملها بس ابوها رفضه لان
- Writer
