حياة مطلقة

الفصل ٥٢

انا عمرى ما كنت اتخيل انى هيبقالى قصة زى دى فى يوم من الايام، طول عمرى بشوف مشاكل الناس واقول ايه ده هو فيه كده!، هو ممكن يكون ده بيحصل فعلا؟!، وبمنتهى السذاجة مكنتش بصدق حكايات كتير بسمعها، وفى الاخر طلعت انا اكبر مغفلة وغ*ية فى الدنيا.

انا متجوزه من كام سنه مخلفتش على طول بس دلوقتى معايا بنت رضيعه.

انا وجوزى واخدين بعض عن قصه حب طويله ٧سنين وحارب عشان يتجوزنى واترفض كتير من اهلى عشان اجتماعيا وماديا اقل منى المهم اصريت عليه وانى مش عايزه غيره وقولتلهم انى لو متجوزتوش مش هتجوز خالص، وبالفعل نجحت فى انى اخد موافقتهم واتجوزنا.

حياتنا ماشيه كويس جدآ بحبه و بموت فيه ومالي عينيا وقلبي وكل حياتى.

وعلى كلامه انا زوجه مثاليه جدآ ومبقصرش معاه فى اى حاجه يتمناها اى زوج فى الدنيا، بيته زى الفل ودايمآ نضيف انا زى الفل ومهتمة بنفسي ومهتمة بيه فى ادق التفاصيل، وهو زوج واب مثالى منتهى الحنيه ومنته