حياة مطلقة

الفصل ٥٤

انا بقى متجوزه من ٤ سنين معايا ولد عنده دلوقتي ٣ سنين وبنت ٥ شهور انا بالظبط كده بقالي سنه في بيت اهلي لان جوزي مشاني من البيت انا وابني وانا حامل في بنتي، ايه السبب مش عارفه احنا حياتنا طبيعيه بنتخانق وبنتصالح زي اي اتنين متجوزين كان بيحبني وبيثبتلي ده دايما بس هو كان طبعه غريب شوية كان مبيحبش اي زيارات نهائيا من اهلي محدش كان بيدخل بيتي الا بأمره وكان محدد هي مره في الشهر لدرجة ان في مره اخواتي الاتنين الشباب كان حصلهم ظروف وموقف وحش جدا ومكانوش جم شافوا شقتي اللي اتجوزت فيها وكانوا عايزين يجوا يباركولي وانا اختهم الوحيده هو حلف انهم مش داخلين وحصلت مشكله معاهم وبعد كده اتصالحوا مكانش معايا موبايل خاص بيا طول فترة الجواز حتى التليفون الارضي معملهوش الا في السنه الاخيره عشان الواي فاي مكنتش بتصل بحد لان التليفون طبعا م***ع لازم استنى انا حد يعبرني ويتصل بيا عشان ارد الباب بتاع الشقه كان