Chapter 50
"Fiancée"
“Anak, ano’t pinagsisibak mo si Juancho? Sinabihan kong hindi naman na kailangan, may gasul naman at marami pang panggatong. Nagpupumilipit. Ayaw magpapigil.” Sabi ni mama nang makababa ako ng hagdan. Nakakunot pa ang noo niya at tila nako-konsume.
Malay ko ba naman kasing totohanin niya.
“Hayaan niyo na lang po.”
“Oh siya, nasa labas ang anak mo. Ang agang nagising.”
“Sige po pupuntahan ko lang.”
Lumabas ako ng bahay. Mataas na ang sikat ng araw. Lalapitan ko na sana si Satheryn na nanunuod sa ama niyang nagsisibak kaya lang nakita ko ang inaanak ko sa kabila. Wala namang bakod kaya tuloy-tuloy lang ako hanggang sa makarating sa kabilang bahay.
“Hi!” Bati ko kay Precious.
“Santi, umuwi ka pala.”
Magkaklase kami dati. Magkaaedad lan
