Chapter 10
"Missed"
Kasalukuyan akong nagaaral, paghahanda sa nalalapit na finals. Itinigil ko ang pagbabasa nang tumunog ang cellphone ko. Binalingan ko ang cellphone na nasa nakapatong kong mga libro. Sinagot ko ang tawag ng kapatid ko.
"Hello Glenn? Napatawag ka..."
"Gusto ka daw makausap ni Mama, Ate."
Tuloyan kong binaba ang binabasang handouts. Narinig ko pa ang pagtawag niya kay Nanay.
"Hello, anak?"
"Nay..."
"Kamusta ka Sansan?"
"Maayos po. Kayo po diyan Nay?"
Hindi ako madalas na nakakatawag sa kanila dahil wala talaga sa budget ang paglo-load. Pamasahe ko na lang ipanglo-load ko.
"Iyon nga ang itinawag ko anak." Bumuntong hininga siya.
"Bakit po? Anong pong problema?"
"Nagkasakit kasi ang Tatay mo kaya hindi nakapagtrabaho. Kapos n
