MABILIS niyang niyakap ang kaniyang asawa matapos niyang marining muli ang mga tinuran nito. Oh, God! Labis na nagsasaya ang kaniyang puso sa mga sandaling iyon. Totoo ngang mahal na siya ni Sebas? Mahal na rin siya ng lalaking matagal na niyang pinapangarap na magawa siyang mahalin? Parang gustong lumabas ng kaniyang puso sa kaniyang dibdib at magtatalon sa tuwa. Ang kaniyang mga luha ay labis pang namalisbis habang nakabaon sa leeg nito ang kaniyang mukha.
“M-mahal mo na rin ako, Sebas?” umiiyak na tanong niyang muli. Hindi siya makapaniwala.
Naramdaman niyang muling humagod sa likod niya ang mga palad nito. Hinagkan din nito ang kaniyang buhok.
Mayamaya ay hinawakan ni Sebas ang kaniyang mga braso at bahagya siyang inilayo rito. Ikinulong nito ang kaniyang mukha sa mga palad nito a
