Kabanata 31
A L E X A
Nakahinga ako ng maluwag nang maabutan kong natutulog pa din si Leanne sa kwarto niya. Dahan-dahan akong nahiga sa tabi niya ngunit hindi na dinalaw pa ng antok. Ang daming tumatakbo sa isip ko na hindi ko na nagawa makatulog. Hinintay ko na lang na sumikat ang araw at magising si Leanne. Hindi ko pa din maiwasang ma-guilty kapag nagkakatinginan kami sa mata.
Nakokonsensya ako na may inililihim ako sa kanyang ganito. Buti sana kung simpleng bagay lang ito ngunit hindi. Napakalaking bagay nito para sa kanya at sa lahat ng taong pinagkakatiwalaan niya ako ang pinakanakakaalam no’n. Mahal na mahal niya ang mga magulang niya at malaki ang pagpapahalaga niya sa kanyang pamilya. Kung malaman niya na isa ako sa mga hadlang para magkabalikan ang mga magulang niya… hindi ko
