"Kanina ka pa tahimik diyan. Ayos ka lang ba?" tanong ni Josh kay Hazelle habang nagmamaneho.
Paulit ulit na naiisip ni Hazelle ang lumuluhang si Gabriel. Ang malungkot na mukha nito... ang pagbabago ng itsura ni Gabriel ay lalong nagpapasikip ng kanyang dibdib.
"Hazelle.... anong problema? Puwede kang magsabi sa akin," muling sabi ni Josh.
Bumuga ng hangin si Hazelle. "Nagpunta doon si ninong kanina.... no'ng lumabas ako sandali. Umamin siya sa akin na may nararamdaman na siya para sa akin. Mahal na niya ako. Sobrang lungkot niya noong umalis ako. Umiyak siya. At naninikip ang dibdib ko habang pinagmamasdan siyang lumuluha."
Tumikhim si Josh habang nakatuon lamang ang tingin sa kalsada. "Puwede naman kayong magkita ng palihim dalawa. Hindi naman talaga tayo tunay na mag-asawa. Alam mo
