SIMON'S POV:
NANGUNOTNOO ako na napadaing na maramdaman ang kirot ng ulo ko. Parang pinupukpok sa tindi ng hangover. Napasapo ako sa ulo na dahan-dahang nagdilat ng mga mata. Malinaw na sa labas.
Napalingon ako sa tabi ko na mapansing may kasama ako dito sa silid at napalunok na mapatitig kay Lance. Nahihimbing siya habang nakaupo sa silya at nakasubsob dito sa gilid ng kama. May maliit na batya at face towel din sa may mesa dito sa gilid ng kama at kitang puyat ito.
“Binantayan niya ba ako buong magdamag?” usal ko na mapatitig sa mukha niya at nangingitim ang palibot ng kanyang mga mata.
Napangiti ako na magaan siyang hinaplos sa ulo. Kung nabubuhay lang sana ang anak ko– kaedaran ni Lance ito at paniguradong kamukha ni Lance.
“Salamat, anak, sa pag-aalaga sa akin,” usal ko.
Tila
