K A B A N A T A 42
I love you
“KUMUSTA ang pakiramdam mo?” tanong ko kay Sanya na gising nang maabutan ko.
Hindi pa rin hupa ang pamamaga ng mukha niya pero kung ikukumpara sa ayos niya kahapon ay mukhang naging maayos naman ang lagay niya kagabi. Nakita ko pa nga ang pagliwanag ng mga mata niya nang makita niya ako.
Nagpaalam ang lalaking nurse na nakatalaga sa kanya at doon lang nagsalita ang kaibigan ko.
“A-ang guwapo no’ng nurse ko ‘no?”
“Type mo?” pagbibiro ko na sinakyan niya naman.
“May g-girlfriend na ‘eh…”
Natawa ako at napailing sa kanya. Inalalayan ko siya nang tangka siyang babangon. Pinagpatong-patong ko ang mga unan para maging komportable siya sa pag-upo.
“Puro ka biro.”
“Sa sitwasyong meron ako, mas m-maiging magbiro pa ko kesa naman umiyak ako. M-masama ‘yon s
